බංග්ලාදේශය සහ පාකිස්තානය අතර පැවැත්වෙන දෙවැනි ටෙස්ට් තරගයේ සිය දෙවැනි ඉනිම පන්දුවට පහරදෙන පාකිස්තාන කණ්ඩායම මේ වනවිට (02) කඩුලු 03ක් දැවී ලකුණු 51ක් ලබාගෙන සිටිනවා.
තරගය පාකිස්තානයේ රාවල්පිණ්ඩි ක්‍රීඩාංගණයේ දී පැවැත්වෙන අතර; අද තරගයේ සිව්වැනි දිනයයි.
දෙවැනි ටෙස්ට් තරගයේ කාසියේ වාසිය දිනාගත් බංග්ලාදේශ නායක Najmul Hossain Shanto පළමු ව පන්දුවට පහරදීමට පාකිස්තානයට ඇරයුම් කළා.
ඒ අනුව පාකිස්තාන කණ්ඩායම සියලු දෙනා දැවී සිය පළමු ඉනිමට ලකුණු 274ක් රැස් කරගැනීමට සමත් වුණා.
සිය පළමු ඉනිම සඳහා බංග්ලාදේශ කණ්ඩායම ලබාගත්තේ ලකුණු 262ක් පමණි.
සිය දෙවැනි ඉනිම බංග්ලාදේශයට වඩා ලකුණු 12කින් ඉදිරියෙන් සිටිමින් ඇරඹූ පාකිස්තාන කණ්ඩායම මේ වනවිට තවත් කඩුලු 07ක් අතැතිවයි ලකුණු 53ක් ලබාගෙන සිටින්නේ ප්‍රතිවාදීන්ට වඩා ලකුණු 66ක් ඉදිරියට යමින්.
සිව්වැනි කඩුල්ලට පිටියෙහි රැඳී සිටින්නේ ශාන් මසූඩ් සමගින් බාබර් අසාම්.
පාකිස්තානයේ දෙවැනි ඉනිමෙහි කඩුලු 02ක් හසාන් මහම්මුද්ටත්, ටස්කින් අහමඩ්ට එක් කඩුල්ලක් ද බෙදී ගියා.
