ප්‍රංශයේ නව අගමැතිවරයා ලෙස 34 හැවිරිදි Gabriel Attal නම් කර තිබෙනවා. ඔහු ප්‍රංශ ඉතිහාසයේ ලාබාලතම අගමැතිවරයායි.
තීරණාත්මක යුරෝපා සංගම් මැතිවරණය සඳහා ප්‍රංශ ආණ්ඩුව මෙහෙයවීම ප්‍රමුඛතම වගකීම Gabriel Attalට පැවරී තිබෙනවා.
එම්මානුවෙල් මැක්‍රොන් නව රජයක් සමඟින් සිය ජනාධිපති ධූරය යළි පණ ගැන්වීමේ අරමුණින් ප්‍රංශයේ මීළඟ අගමැති ලෙස Gabriel Attal නම් කර ඇති බවයි විදෙස් වාර්තා පෙන්වා දෙන්නේ.
1984 වසරේදී ප්‍රංශුවා මිත්‍රාන්ඩ් විසින් පත් කළ 37 හැවිරිදි සමාජවාදී ලෝරන්ට් ෆේබියස් අභිබවා යමින් 34 හැවිරිදි Gabriel Attal නූතන ප්‍රංශ ඉතිහාසයේ ලාබාලතම අගමැති වනු ඇති.
මාස 20ක නිල කාලයෙන් පසු ඉල්ලා අස් වූ එලිසබෙත් බෝර්න් වෙනුවට Gabriel Attal මහතා පත් කර තිබෙනවා.
එලිසබෙත් බෝර්න් සිය ධුර කාලය පුරාවටම පාර්ලිමේන්තුවේ බහුතරය නොමැතිකම සමඟ අරගල කළා.
ජූනි මාසයේ පැවැත්වෙන වැදගත් යුරෝපීය පාර්ලිමේන්තු මැතිවරණයකට ප්‍රංශ රජය මෙහෙයවීමේ කාර්යය Gabriel Attalට දැන් පැවරෙනු ඇති.
