එළඹෙන මහ මැතිවරණය වෙනුවෙන් නාම යෝජනා භාරදීම ඊයේ (04) දිනයේ ආරම්භ වුණා.
නාම යෝජනා භාරදීම ඇරඹු පළමු දිනයේදීම පිළිගත් දේශපාලන පක්ෂයක් සහ ස්වාධීන කණ්ඩායම් තුනක් නාම යෝජනා භාරදී ඇති බවයි මැතිවරණ කොමිෂන් සභාව සඳහන් කළේ.
ඒ, අනුව ජනසෙත පෙරමුණ යාපනය සහ වන්නි මැතිවරණ කොට්ඨාස සඳහා යෝජනා භාරදී ඇති බවයි වාර්තා වුණේ.
ඊයේ (04) දිනයේ ආරම්භ වූ නාම යොජනා භාරගැනීම ලබන 11 වනදා මධ්යාහ්න 12.00 සිදු කෙරෙනවා.
මේ අතර පාර්ලිමේන්තු මහ මැතිවරණය සඳහා ඇප මුදල් තැන්පත් කිරීම ආරම්භ කළ දිනයේ සිට ඊයේ (04) දිනය දක්වා ස්වාධීන කණ්ඩායම් 122ක් ඇප මුදල් තැන්පත්කර තිබෙනවා.
ඊයේ (04) දිනයේ දී පමණක් ස්වාධීන කණ්ඩායම් 36ක් ඇප මුදල් තැන්පත්කර ඇති බවයි වාර්තා වුණේ.
මැතිවරණ කොමිෂන් සභාව සඳහන් කළේ මේ වන විට මැතිවරණ කොට්ඨාස 22න් 21ක් සඳහා ස්වාධීන කණ්ඩායම් විසින් ඇප මුදල් තැන්පත් කිරීම සිදුකර ඇති බවයි.
මාතලේ මැතිවරණ කොට්ඨාසය සඳහා පමණක් මෙතෙක් කිසිඳු ස්වාධීන කණ්ඩායමක් ඇප මුදල් තැන්පත් කිරීම සිදුකර නැහැ.
