මේ මස මුල දී, ලෝක බැංකු විසින් පකිස්ථානය සඳහා USD බිලියන 20 ක ණය පැකේජයක් අනුමත කරනු ලැබුවා.
නමුත්, බලුකිස්තාන් සහ කයිබර් පක්තුන්ක්වා යන පළාත් දෙකෙහි දේශපාලන බෙදීම් සහ පිරිහෙන ආරක්ෂක තත්ත්වය හේතුවෙන් එය සාර්ථක ලෙස ක්‍රියාත්මක කිරීමට සැලකිය යුතු අභියෝග පවතින බව වාර්තා වනවා.
10-වසරක හවුල්කාරිත්ව රාමුව (CPF) යටතේ පාකිස්තානය සඳහා ඩොලර් බිලියන 20 ක ණය පහසුකම හා සම්බන්ධ අවදානම් නවයක් ලෝක බැංකුව දැනටමත් හඳුනාගෙන ඇතැයි සඳහන්.
පිරිසිදු බලශක්ති වැඩසටහනක් සඳහා වූ ලෝක බැංකුව විසින් ඇමරිකානු ඩොලර් මිලියන 500 ක ණයක් අවලංගු කිරීමත් සමඟ පකිස්ථානයේ අරගලකාරී ආර්ථිකයට දැඩි පහරක් එල්ල වුණා.
චීන – පකිස්තාන ආර්ථික කොරිඩෝව (CPEC) යටතේ බලශක්ති මිලදී ගැනීමේ ගිවිසුම් සංශෝධන ඇතුළු ගිවිසුමට බැඳී ඇති ප්‍රධාන කොන්දේසි සපුරාලීමට පාකිස්තානය අපොහොසත් වීමෙන් පසු ණය අවලංගු කරනු ලැබුවා.
ඒ හා සමානව, 2024 නොවැම්බරයේ දී, ජාත්‍යන්තර මූල්‍ය අරමුදල (IMF) ද පකිස්තානයේ බදු හිඟය සහ විදේශීය ණය ලබා ගැනීමේ ප්‍රමාදය, අනෙකුත් කරුණු හේතුවෙන් ජූලි මාසයේ දී අනුමත කරන ලද තුන් අවුරුදු USD බිලියන 07 වැනි වැඩසටහන ක්‍රියාත්මක කිරීමේ අභියෝග මතු කළා.
