ආසියානු කුසලාන වයස අවුරුදු 19න් පහළ තරගාවලියේ ශ්රී ලංකා යොවුන් කණ්ඩායම මුහුණ දුන් පළමු තරගයෙන් විශිෂ්ඨ ජයක් අත්කර ගැනීමට ශ්රී ලංකා කණ්ඩායම සමත් වුණා.
නේපාලය සමඟින් ශ්රී ලංකාව තරග වැදි මෙම තරගය අද (13) ඩුබායි රාජ්යයේ සෙවන්ස් ක්රීඩාංගණයේ දී පැවැත්වුණු අතර තරගයේ කාසිය වාසිය ජයග්රහණය කළ ශ්රී ලංකා නායකයා පළමුවෙන් පන්දු යැවීමට තීරණය කළා.
ඒ අනුව පන්දුවට පහර දීම සඳහා පිටියට පිවිසි නේපාල කණ්ඩායමට පන්දුවාර 28යි පන්දු 05කට පමණක් මුහුණ දී රැස් කර ගැනීමට හැකිවූයේ ලකුණු 82ක් පමණයි.
එහිදී ශ්රී ලංකාව වෙනුවෙන් සුපිරි පන්දු යැවීමක නිරත වූ ශ්රී ලංකා යොවුන් වේගපන්දු යවන ක්රීඩක සෙත්මික සෙනෙවිරත්න විසින් ලකුණු 25කට කඩුලු 05ක් බිඳ හෙලුවා.
අනතුරුව පිළිතුරු ඉනිම සඳහා පිටියට පිවිසි ශ්රී ලංකා කණ්ඩායම පන්දුවාර 14ක් සහ තවත් පන්දු 05ක් පමණක් වැය කරමින් කඩුලු දෙකක් දැවී ගොස් තරගය පහසුවෙන් ජය ගැනීමට සමත් වුණා.
ශ්රී ලංකාව සහභාගී වන මීලග තරගය අනිද්දා (15) දිනයේදී ඇෆ්ගනිස්ථානය සම්නගින් පැවැත්වීමට නියමිතයි.
