නාවික හමුදාව ඊයේ (03) සහ පෙරේදා (04) ත්රිකුණාමලය බෝල්ඩර් තුඩුව අසල මුහුදු ප්රදේශයේ, වලායිතොට්ටම් වෙරළ ප්රදේශයේ සහ නෝර්වේ දූපතට ඔබ්බෙන් වූ මුහුදු ප්රදේශයේ සිදු කළ විශේෂ සෝදිසි මෙහෙයුම් මඟින් නීති විරෝධී ලෙස ධීවර කටයුතු සිදු කළ පුද්ගලයින් 15 දෙනෙකු සමඟ ඩිංගි යාත්රා 4ක් අත්අඩංගුවට ගෙන තිබෙනවා.
පසුගිය 03 වනදා වළගම්බා නෞකාව මඟින් බෝල්ඩර් තුඩුව අසල මුහුදු ප්රදේශයේ සිදු කළ විශේෂ සෝදිසි මෙහෙයුමකදී, නීති විරෝධී ලෙස තහනම් දැල් භාවිතයෙන් ධීවර කටයුතු සිදුකළ පුද්ගලයින් 7 දෙනෙකු සමඟ ඩිංගි යාත්රා 2ක්, නීති විරෝධී ධීවර ආම්පන්න නාවික හමුදා භාරයට ගනු ලැබුවා.
එමෙන්ම, ලංකාපටුන නෞකාව මඟින් එදිනම වලායිතොට්ටම් වෙරළ ප්රදේශයේ කළ සෝදිසි මෙහෙයුමක් මඟින් නීති විරෝධී ලෙස ධීවර කටයුතු සිදු කිරීමට සූදානම් වෙමින් සිටි පුද්ගලයෙකු සමඟ ඩිංගි යාත්රාවක් සහ නීති විරෝධී ධීවර ආම්පන්න ද නාවික හමුදා භාරයට ගනු ලැබුවා.
ඊයේ (04) මහවැලි නෞකාව මඟින් නෝර්වේ දූපතට ඔබ්බෙන් වූ මුහුදු ප්රදේශයේ කළ විශේෂ සෝදිසි මෙහෙයුම් මඟින් නීති විරෝධී ලෙස තහනම් දැල් භාවිතයෙන් සහ නීති විරෝධී ලෙස විදුලි ආලෝක ධාරා භාවිතයෙන් ධීවර කටයුතු සිදු කළ පුද්ගලයින් 7 දෙනෙකු සමඟ ඩිංගි යාත්රාවක් සහ නීති විරෝධී ධීවර ආම්පන්න නාවික හමුදා භාරයට ගෙන තිබෙනවා.
මෙලෙස නාවික හමුදා භාරයට ගත් පුද්ගලයන් වයස අවුරුදු 20ත් 47ත් අතර වයසේ පසුවන කින්නියා සහ පොඩුවකට්ටු යන ප්රදේශයන්හි පදිංචිකරුවන් බවටයි හඳුනා ගෙන ඇත්තේ.
බෝල්ඩර් තුඩුව අසල මුහුදු ප්රදේශයේදී නාවික හමුදා භාරයට ගත් සැකකරුවන් 7දෙනා, ඩිංගි යාත්රාව සහ නීති විරෝධී ධීවර ආම්පන්න ඉදිරි නීතිමය කටයුතු සඳහා කුච්චවේලී ධීවර පරීක්ෂක කාර්යාලය වෙත භාරදී තිබෙනවා.
වලායිතොට්ටම් වෙරළ ප්රදේශයේදී නාවික හමුදා භාරයට ගත් සැකකරු ඩිංගි යාත්රාව සහ නීති විරෝධී ධීවර ආම්පන්න සමග ඉදිරි නීතිමය කටයුතු සඳහා ත්රීකුණාමලය සහකාර ධීවර අධ්යක්ෂ කාර්යාලය වෙත භාරදුන් බවයි නාවික හමුදාව සඳහන් කළේ.
නෝර්වේ දූපතට ඔබ්බෙන් වූ මුහුදු ප්රදේශයේදී නාවික හමුදා භාරයට ගත් සැකකරුවන් 7 දෙනා, ඩිංගි යාත්රාව සහ නීති විරෝධී ධීවර ආම්පන්න ඉදිරි නීතිමය කටයුතු සඳහා කොඩ්බේ ධීවර පරීක්ෂක කාර්යාලය වෙත භාර දීමට කටයුතු කර තිබෙනවා.
