අයහපත් කාලගුණ තත්වය හේතුවෙන් ගාල්ල වැලිවත්ත විජයානන්ද මාවතේ නිවසක් මතට අද (05) පෙරවරුවේ ගලක් පෙරලිමෙන් නිවසේ නිදා සිටි නිවෙස් හිමියා මියගොස් තිබෙනවා.
මෙම අනතුරින් නිවසට ද දැඩි අලාභ හානි සිදුව ඇති බවයි ගාල්ල දිස්ත්‍රික් ලේකම් කාර්යාලය සඳහන් කළේ.
මියගොස් විශ්‍රාමිකයෙක් වන 78 හැවිරිදි පුද්ගලයෙක් වන අතර අනතුර සිදුවන විට ඔහුගේ බිරිඳ සහ පුතා ද නිවසේ සිට තිබෙනවා.
මෙම පුද්ගලයා අද උදෑසන පිබිදී මුහුණ සෝදා තේ පානය කර යළිත් ඇඳෙහි වැතිර සිටියදී කාමරයට විශාල ගලක් පෙරළීමෙන් මෙම අනතුර සිදුව ඇතැයි සඳහන්.
ඒ සමගම මියගිය අයගේ පුත්‍රයා සහ අසල්වාසින් ඔහු රෝහලට රැගෙන ගොස් තිබුණ ද එහිදී මියගොස් ඇති බවටයි අනාවරණ වී ඇත්තේ.
ජාතික ගොඩනැගිලි පර්යේෂණ ආයතනයේ ඊ.ආර්.බන්දුල මහතා ගල පෙරලුන ස්ථානය නිරික්ෂණ කර කියා සිටියේ එම ස්ථානයේ තිබෙන අනෙක් ගල් ද අනතුරුදායක බවයි.
ඔබේ ප්‍රතිචාරය කුමක්ද ?
+1
2
+1
+1
+1
+1
15
+1
+1
1
