නිධානයකින් ගත් බව පවසා ගලක් විකුණු තිදෙනෙක්ට වැඩ වරදී

නිධානයකින් ලබා ගත් බව පවසා මැණික් ගලක් අලෙවි කිරීමට සූදානම් වූ පුද්ගලයින් තිදෙනෙක්ව නොරොච්චෝලේ පොලීසිය විසින් අත්අඩංගුවට ගෙන තිබෙනවා.

පොලිසියට ලද තොරතුරක් මත ඊයේ (02) දහවල් කාලයේදී කල්පිටිය, තිහලිය ප්‍රදේශයේදී මෙම සැකකරුවන් තිදෙනා අත්අඩංගුවට ගෙන ඇති බවයි වාර්තාවන්නේ.

වයස අවුරුදු 56ක්, 54 සහ 34ක් වන මෙම සැකකරුවන් පුත්තලම මහේස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 11 වැනිදා දක්වා රක්ෂිත බන්ධනාගාර ගත කර තිබෙනවා.

නොරොච්චෝලේ පොලීසිය විසින් වැඩිදුර පරික්ෂණයන් සිදු කරනු ලබනවා.