ශ්රී ලංකාවේ ඇමරිකා එක්සත් ජනපද තානාපති කාර්යාලයේ සේවය නිම කිරීමෙන් අනතුරුව ධුරයෙන් නික්ම යන ආරක්ෂක උපදේශක ලුතිනන් කර්නල් ඇන්තනි සි නෙල්සන්, අද (ජුනි 20) දින ආරක්ෂක අමාත්යාංශයේ දී ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්රාමික) හමුවුණා.
මෙම සුහද හමුව අතරතුර ලුතිනන් කර්නල් නෙල්සන් තම ධුර කාලය තුළ ශ්රී ලංකාව සහ ඇමරිකා එක්සත් ජනපදය අතර ආරක්ෂක සබඳතා ශක්තිමත් කිරීම සඳහා දැරූ උත්සාහය වෙනුවෙන් ආරක්ෂක ලේකම්වරයා සිය කෘතඥතාව පළ කළා.
එමෙන්ම, දෙරට අතර අන්යෝන්ය වශයෙන් උනන්දුවක් දක්වන කරුණු කිහිපයක් මෙන්ම, ආරක්ෂක ක්ෂේත්රයේ අඛණ්ඩ සහයෝගීතාවය පිළිබඳව ද, මෙහිදී සාකච්ඡා කෙරුණා.
හමුව අවසානයේ දී, දෙරට අතර පවතින සබඳතාව සහ දිගුකාලීන ආරක්ෂක හවුල්කාරිත්වය සංකේතවත් කරමින් සමරු තිළිණ හුවමාරුවක් සිදු වුණා.
මෙම අවස්ථාවට ආරක්ෂක අමාත්යාංශයේ හමුදා සම්බන්ධතා නිලධාරි ද සහභාගී වුණා.
