නාවික හමුදාපති, වයිස් අද්මිරාල් කාංචන බානගොඩ ඊයේ (16) පාර්ලිමේන්තුවේ දී කතානායක ජගත් වික්‍රමරත්න හමු වුණා.
මේ අවස්ථාව සඳහා ශ්‍රී ලංකා පාර්ලිමේන්තුවේ මහ ලේකම් කුෂානි රෝහණදීර සහ වේත්‍රධාරී කුෂාන් ජයරත්න ද එක්ව සිටියා.
මෙම හමුවේ දී පාර්ලිමේන්තුව තුළ ඇතැම් ස්ථාන ප්‍රතිසංස්කරණය කිරීම සඳහා ශ්‍රී ලංකා නාවික හමුදාවෙන් ලබාගත හැකි සහාය පිළිබඳව සාකච්ඡා කෙරුණා.
එහිදී එම ව්‍යාපෘතීන් සාර්ථකව නිම කිරීම සඳහා නාවික හමුදාවේ විශේෂඥ දැනුම සහ සහාය ලබාදීමට සූදානම් බවයි නාවික හමුදාපතිවරය මෙහිදී සඳහන් කළේ.
ජාතික ආරක්ෂාව සහ සංවර්ධනය සම්බන්ධයෙන් ශ්‍රී ලංකා නාවික හමුදාව විසින් ඉටු කරනු ලබන සුවිශේෂී කාර්යභාරය කතානායකවරයාගේ ඇගයීමට ලක් වුණා.
එමෙන්ම පාර්ලිමේන්තුවේ යටිතල පහසුකම් වැඩිදියුණු කිරීම සඳහා නාවික හමුදාවේ විශේෂඥ දැනුම සහ සහාය ලබාදීමට එකඟතාව පළ කිරීම පිළිබඳව සිය ප්‍රසාදය පළ කළා.
එමෙන්ම කාර්යක්‍ෂම සහ පිරිවැය ඵලදායී ව්‍යාපෘති ක්‍රියාත්මක කිරීම වෙනුවෙන් රාජ්‍ය ආයතන අතර සහයෝගීතාවයේ වැදගත්කම ද කතානායකවරයා මෙහිදී වැඩිදුරටත් අවධාරණය කර සිටියා.
