මේ දිනවල එංගලන්තයේ සංචාරයක නිරතව සිටින ශ්රී ලංකා පොදුජන පෙරමුණේ ජාතික සංවිධානයක සහ පාර්ලිමේන්තු මන්ත්රී නාමල් රාජපක්ෂ විසින් ඔක්ස්ෆර්ඩ් විශ්වවිද්යාලයේ ශිෂ්ය සංගමය විසින් කර තිබූ ආරාධනාවක අනුව දේශන 02කට සහභාගී වීමට නියමිතව තිබුණා.
කෙසේ වෙතත් පසුව එම දේශන පැවැත්වීමට නොහැකි බවට ඔක්ස්ෆර්ඩ් විශ්වවිද්යාලයේ ශිෂ්ය සංගමය විසින් නාමල් රාජපක්ෂහට දන්වා එවා තිබුණේ ඊට සම්බන්ධ දෙමළ ශිෂ්ය සංගම් කිහිපයක් විසින් නාමල් රාජපක්ෂ විසින් දේශන පැවැත්වීමට දැඩි විරෝධයක් දැක්වීමත් සමඟයි.
මෙලෙස නාමල් රාජපක්ෂ විසින් පැවැත්වීමට නියමිතව තිබූ දේශන වාර අවලංගු වීම සම්බන්ධයෙන් ඊයේ (24) දසත ප්රහාරය වැඩසටහනේ දී ශ්රී ලංකා පොදුජන පෙරමුණේ පාර්ලිමේන්තු මන්ත්රී ඩී.වී. චානක අදහස් දක්වමින් කියා සිටියේ එල්ල වූ විරෝධය හමුවේ එම දේශන කල් දැමීමට තීරණය කර ඇති බවයි.
කෙසේ වෙතත් එම දේශන කල් දැමීම පමණක් සිදුකර ඇති බවත්, අවලංගු කර නොමැති බවත් මන්ත්රීවරයා වැඩිදුරටත් සඳහන් කළා.
wpDiscuz
