කිරිබත්ගොඩ සහ බෙන්තර ගගේ තිබී නාඳුනන පුද්ගල මළ සිරුරු දෙකක් හමුවී තිබෙනවා.
ඊයේ රාත්රී එක් සිරුරක් සොයා ගැණුනේ පොලිස් හදිසි ඇමතුම් අංශයට ලැබුණු තොරතුරකට අනුවයි.
එම ඇමතුම ලැබී ඇත්තේ ගාල හන්දියේ ශාරීරික සුවතා මංතීරුව අසලින් ගලා බසන ඇල මාර්ගයේ නාඳුනන මළ සිරුරක් ඇති බවට දන්වමින්.
පොලිසිය සඳහන් කළේ පැවති අධික වර්ෂාව හේතුවෙන් ඇල මාර්ගය ඔස්සේ පැමිණි ජල පහර හේතුවෙන් මෙම සිරුර ජලයේ ගසාගෙන පැමිණ ඇති බවටයි.
ඇල මාර්ගය පැමිණෙන ප්රදේශයන්ට අයත් කැලණිය සහ ගම්පහ කොට්ඨාසවල පොලිස් ස්ථානවලට සිරුර සම්බන්ධයෙන් දැනුම් දී තිබෙනවා.
මේ අතර අලුත්ගම වැලිපැන්න මාර්ගයේ අලුත්ගම මහජන පොළ පිටුපස බෙන්තර ගඟේ පාවෙමින් තිබූ නාඳුනන පිරිමි මළසිරුරක් සොයාගෙන තිබෙනවා.
ඊයේ සවස මෙම මළ සිරුර හමුවී ඇති බවයි අප වාර්තාකරුවන් සඳහන් කළේ. මෙම සතිය ඇතුලත ගඟේ පාවී ආ දෙවැනි මළ සිරුර මෙයයි.
මියගොස් ඇත්තේ වයස අවුරුදු 55ක් පමණ අයෙක් බවට පොලිසිය සැක කරනවා.
මළ සිරුර කලුතර ශික්ෂණ රෝහලට යැවීමට කටයුතු යොදා ඇති අතර අලුත්ගම පොලිසිය මියගිය අය හඳුනා ගැනීම සඳහා මහජන සහාය පතනවා.
