නානුඔය ප්රදේශයේ සිදුවූ රිය අනතුරකින් පුද්ගලයන් 7 දෙනෙකු මියගොස් තවත් 50කට වැඩි පිරිසක් තුවාල ලබා තිබෙනවා.
අද රාත්රී මෙම අනතුර සිදුව ඇත්තේ බස් රථයක් සහ වෑන් රථයක් ගැටීමෙන් බවයි වාර්තා වන්නේ.
කොළඹ පිරිමි පාසලක සිසුන් පිරිසක් රැගෙන අධ්යාපන චාරිකාවක ගිය බස් රථයක් සහ විනෝද චාරිකාවක ගිය තවත් වෑන් රථයක් ගැටීමෙන් අද පස්වරුවේ මෙම අනතුර සිදුවී ඇති බවටයි වාර්තා වන්නේ.
බෑවුම් සහිත මාර්ගයක ගමන් කරමින් සිටි අවස්ථාවේ බස් රථයේ තිරිංග ක්රියා විරහිත වීම හේතුවෙන් අනතුර සිදුව ඇති බව ද වාර්තා වනවා.
මෙම අනතුරින් පුද්ගලයන් 7 දෙනෙකු ජීවිතක්ෂයට පත්ව ඇති අතර ඔවුන් වෑන් රථයේ ගමන් කළ පිරිසක් බවටයි පැවසෙන්නේ. පොලිසිය සහ ප්රදේශවාසීන් එක්ව තුවාලකරුවන් රෝහල් ගත කෙරෙමින් පවතිනවා.
බස් රථය ප්රපාතයකට පෙරළී ඇති අතර අනතුරින් බස් රථයේ ගමන් කළ ළමුන්ට හානියක් නොමැති බව ද සඳහන්.
මෙම බස් රථයේ තිරිංග ක්රියා විරහිත වීම හේතුවෙන් එය ත්රී රෝද රථයක සහ වෑන් රථයේ ගැටී ප්රපාතයකට පෙරළී ඇති බවටයි මූලික විමර්ශනවලදී අනාවරණ වී ඇත්තේ.
බස් රථයේ ගමන් කළ සිසුන් කිසිවෙකුටත් බරපතල තුවාල සිදුවී නොමැති අතර 51 දෙනෙකු අනතුරින් තුවාල ලබා නුවරඑළිය රෝහලට ඇතුලත් කර ඇති බවයි අප වාර්තාකරුවන් සඳහන් කළේ.
