නව තානාපතිවරුන් පහක්, මහ කොමසාරිස්වරයෙක් සහ අමාත්යාංශ ලේකම්වරියක් පත්කිරීමට පසුගිය 24 වන දින පාර්ලිමේන්තුවේදී රැස් වූ උසස් නිලතල පිළිබඳ කාරක සභාවේ අනුමැතිය ලබාදී තිබෙනවා.
ඒ, අනුව ඉන්දුනීසියාවේ ශ්රී ලංකා තානාපතිවරිය ලෙස සුමදුරිකා ශෂිකලා ප්රේමවර්ධනගේ නම උසස් නිලතල පිළිබඳ කාරක සභාව විසින් අනුමත කරනු ලැබුවා.
එමෙන්ම බ්රසීල ෆෙඩරල් ජනරජයේ ශ්රී ලංකා තානාපතිවරිය ලෙස සී.ඒ චාමින්දා ඉනෝකා කොලොන්නේ, මාලදිවයින් ජනරජයේ ශ්රී ලංකා මහ කොමසාරිස්වරයා ලෙස මොහොමඩ් රිස්වි හසන්, තුර්කි ජනරජයේ ශ්රී ලංකා තානාපතිවරයා ලෙස එල්.ආර්.එම්.එන්.පී.ජී.බී. කදුරුගමුව, නේපාල ජනරජයේ ශ්රී ලංකා තානාපතිවරිය ලෙස රුවන්ති දෙල්පිටිය, දකුණු කොරියාවේ ශ්රී ලංකා තානාපතිවරයා ලෙස මාරිමුත්තු කේ පද්මනාදන් යන අයගේ නම් උසස් නිලතල පිළිබඳ කාරක සභාව විසින් අනුමත කර තිබෙනවා.
මිට අමතරව අධිකරණ හා ජාතික ඒකාබද්ධතා අමාත්යාංශයේ ලේකම්වරිය ලෙස ජනාධිපති නීතිඥ අයේෂා ජිනසේනගේ නම ද උසස් නිලතල පිළිබඳ කාරක සභාව විසින් අනුමත කර ඇති බව සඳහන්.
හරිනි අමරසූරිය අග්රාමාත්යවරියගේ ප්රධානත්වයෙන් රැස් වූ උසස් නිලතල පිළිබඳ කාරක සභාවට, කමිටුවේ සාමාජික, අමාත්යවරුන් වන කුමාර ජයකොඩි, අනිල් ජයන්ත, හර්ෂණ නානායක්කාර,උපාලි පන්නිලගේ, සරෝජා සාවිත්රි පෝල්රාජ්, නියෝජ්ය අමාත්ය හංසක විජේමුණි, පාර්ලිමේන්තු මන්ත්රීවරයින් වන රිෂාඩ් බදියුදීන්, දයාසිරි ජයසේකර, එම්. නිසාම් කාරියප්පර් යන අය සහභගී වුණා.
