ජාත්යන්තර ටෙස්ට් පිතිකරුවන්ගේ ශ්රේණිගත කිරීම් හි හොඳම පිතිකරුවන් දසදෙනා අතරට පැමිණෙන්නට පාකිස්ථාන ක්රීඩක මොහොමඩ් රිස්වාන් සමත් ව තිබෙනවා.
ඒ අනුව නවතම ශ්රේණිගත කිරීම් හි රිස්වාන් ප්රසාද ලකුණු 728ක් අතැතිව 10 වැනි ස්ථානයේ රැඳී සිටිනවා.
මෙම සංශෝධනයත් සමග එංගලන්තයේ හැරී බෘක් සිව්වැනි ස්ථානයට පැමිණ ඇති අතර, පාකිස්තානයේ බාබර් අසාම් 06 වැනි ස්ථානයේ සිට 09 වැනි ස්ථානය තෙක් පහත වැටී තිබෙනවා.
හැරී බෘක් සිය ස්ථානය ඉදිරියට පැමිණ ඇත්තේ ශ්රී ලංකාවට එරෙහිව මැන්චෙස්ටර් හි දී පැවති පළමු ටෙස්ට් තරගයේ දී පළමු හා දෙවැනි ඉනිම්වලදී පිළිවෙළින් ලකුණු 56ක් හා 32ක් ලබා ගැනීමත් සමගයි.
ජෝ රූට් ටෙස්ට් පිතිකරුවන් අතර සිය පළමු ස්ථානය තවදුරටත් රඳවා ගෙන සිටින අතර, කේන් විලියම්සන් සහ ඩැරිල් මිචෙල් දෙවැනි හා තෙවැනි ස්ථාන බවට පත් ව සිටිනවා.
හැරී බෘක් සිව්වැනි ස්ථානයට පැමිණ ඇත්තේ බාබර් අසාම්, ස්ටීවන් ස්මිත් හා රෝහිත් ෂර්මා ව අබිබවා යමින්.
රාවල්පිණ්ඩි හි දී බංග්ලාදේශයට එරෙහිව පැවති පළමු ටෙස්ට් තරගයෙන් පාකිස්තානය පරාජයට පත් වුව ද, රිස්වාන් නොදැවී ලකුණු 171ක් සහ දෙවැනි ඉනිමේ දී ලකුණු 51ක් ලබා ගැනීමත් සමග හොඳම ටෙස්ට් පිතිකරුවන් දසදෙනා අතරට පත් වී තිබෙන අයුරු දැකිය හැකියි.
