කොවිඩ් 19 වෛරසය ආසාදනය වීම හේතුවෙන් මරණයට පත්වන පුද්ගලයන් සම්බන්ධයෙන් රජය ඉදිරිපත් කරන සංඛ්යා ලේඛන පිළිගත නොහැකි තත්වයට පත්ව ඇති බව ශ්රී ලංකා මහජන සෞඛ්ය පරීක්ෂකවරුන්ගේ සංගමය පවසයි.
එම සංගමයේ සභාපති උපුල් රෝහණ මහතා පවසන්නේ බිම් මට්ටමේ සැබෑ තත්වය මීට වඩා වෙනස් හා අතිශය භයානක බවය.
කොාරෝනා වසංගතය හේතුවෙන් සිදුවන ඇතැම් මරණ වාර්තා නොවන හෝ ප්රමාද වී වාර්තා වන තත්වයක් දක්නට ලැබෙන බව ඔහු සඳහන් කරයි.
පවතින වසංගත තත්වය පාලනය කිරීමට නම් පවත්නා තත්වය පිළිබඳ නිවැරදි අවබෝධයක් ලබාගත යුතු බවත් ඒ සඳහා නිවැරදි සංඛ්යා ලේඛන සකස් කිරීම වැදගත් බවත් පෙන්වා දෙන උපුල් රෝහණ මහතා පවසන්නේ එපමණක් නොව එම සංඛ්යා ලේඛන පිළිබඳව මහජනතාව දැනුවත් කළ යුතු බවය.
ඉන්දියාවේ පවත්නා තත්වයද කිසිසේත් නොසලකා හැරිය නොහැකි බවත්, ඉන්දියාව තුළ පවතින දැඩි අවදානම් තත්වය හේතුවෙන් ඉන්දියානුවන් දකුණු ඉන්දියාවේ සිට නීතිවිරෝධී ආකාරයෙන් මෙරටට පැමිණීමේ අවදානමක් තිබෙන බවත් ඔහු පවසයි. ඒ සම්බන්ධයෙන් නිසි අවධානයෙන් සිටිය යුතු බව ඔහු අවධාරණය කරයි.
