දේශීය ආදායම් සංශෝධන පනත් කෙටුම්පත සරල බහුතරයකින් පාර්ලිමේන්තුවේදී සම්මත කර ගත හැකි බව ශ්රේෂ්ඨාධිකරණය පාර්ලිමේන්තුවට දැනුම් දී තිබෙනවා.
කථානායක මහින්ද යාපා අබේවර්ධන විසින් අද (05) පාර්ලිමේන්තු සභාවාරය ආරම්භයේ දී ඒ පිළිබඳව දැනුම් දුන්නා.
රජය විසින් පාර්ලිමේන්තුවට ඉදිරිපත් කර තිබෙන දේශීය ආදායම් සංශෝධන පනත් කෙටුම්පතට එරෙහිව ගොනුකර තිබූ පෙත්සම් විභාගය පසුගිය අගෝස්තු 28 වනදා අවසන් කළා.
පෙත්සම් විභාගය අවසන් කරමින් ශ්රේෂ්ඨාධිකරණය නිවේදනය කළේ එම තීන්දුව කථානායකවරයා වෙත යොමු කරන බවයි.
ජාතික ජන බලවේගයේ ක්රියාකාරිකයෙක්වන චතුරංග අබේසිංහ ඇතුළු දෙදෙනෙකු විසින් අදාළ පෙත්සම් ඉදිරිපත් කර තිබුණා.
දේශීය ණය ප්රශස්ථකරණ වැඩසටහන ප්රමාද කිරීම මඟින් විදේශීය ණය ප්රතිව්යුහගතකරණය අස්ථාවර කිරීමට දේශපාලනික බලවේග කිහිපයක් ක්රියාත්මක වූ බව මුදල් රාජ්ය අමාත්ය ෂෙහාන් සේමසිංහ මේ සම්බන්ධයෙන් ට්විටර් හෙවත් එක්ස් ගිණුමේ සටහනක් තබමින් සඳහන් කළා.
