ශ්රී ලංකා දුම්රිය ස්ථානාධිපතිවරුන්ගේ සංගමය අද (28) රාත්රියේ සිට ක්ෂණික වෘත්තීය ක්රියාමාර්ගයකට එළැඹීමට තීරණය කර තිබෙනවා.
ශ්රී ලංකා දුම්රිය ස්ථානාධිපතිවරුන්ගේ සංගමය නිවේදනයක් නිකුත් කරමින් සඳහන් කරන්නේ දුම්රිය දෙපාර්තමේන්තුවේ, ප්රවාහන උප දෙපාර්තමේන්තුවට අයත් ‘දුම්රිය නියාමක සහ දුම්රිය ස්ථානාධිපති’ යන තනතුරු සඳහා දෙපාර්තමේන්තු පරීක්ෂණයකින් සමත් වන නිලධාරීන් සඳහා වසර 05න් පහට ශ්රේණි උසස්වීම් ලබාදීමට අමාත්ය මණ්ඩලය අනුමැති හිමිව ඇති බවයි.
ඒ අනුව පැරණි විභාගයක ප්රතිඵල මත නියාමකවරුන් සඳහා උසස්වීම් ලබා දී වැටුප් පරිවර්තන ද සකසා ක්රියාත්මක කර තිබෙන බවත් එකී නිවේදනයේ සඳහන්.
නමුත් දුම්රිය ස්ථානාධිපතිවරුන් සඳහා බඳවා ගැනීමේ පටිපාටිය අනුමත කිරීමෙන් පසු ඉහත උසස් කිරීමේ ක්රමවේදය ද ආරම්භ කළ යුතු බවයි දුම්රිය සාමාන්යාධිකාරී විසින් දැනුම්දෙනු ලැබ ඇත්තේ.
නමුත් එකම කරුණකට අදාළව මෙලෙස දෙයාකාරයකට කටයුතු කිරීමට එරෙහිව ශ්රී ලංකා දුම්රිය ස්ථානාධිපතිවරුන්ගේ සංගමයේ චෝදනා එල්ල වී තිබෙනවා.
එබැවින් අදාළ කරුණ සාකච්ඡා වට කිහිපයක් පවත්වා දැනට සකසා ඇති ‘දුම්රිය ස්ථානාධිපති’ තනතුරට අදාළ බඳවා ගැනීම් පටිපාටිය නියාමක සංගමයේ විරෝධය හේතුවෙන් අනුමැතියට ඉදිරිපත් නොකිරීම යන හේතුවෙන් මත දුම්රිය ස්ථානාධිපතිවරුන් මෙලෙස ක්ෂණික වෘත්තීය ක්රියාමාර්ගයකට එළඹෙන බවයි අදාළ නිවේදනයේ දැක්වෙන්නේ.
