හදිසියේ රෝගාතුර වූ දුම්රිය මගියෙකුගේ ජීවිතය බේරාගත් දුම්රිය ප්රවේශපත්ර පරීක්ෂකවරයෙකු පිළිබද පුවතක් ඉන්දීය මාධ්ය වාර්තා කරනවා.
අම්රපාලි සීඝ්රගාමී දුම්රිය තුළ දී මෙම සිදුවීම සිදුව ඇති බවයි එරට මාධ්ය වැඩිදුරටත් තොරතුරු වාර්තා කළේ.
දුම්රියේ ගමන් කරමින් සිටිය දී 70 හැවිරිදි එම මගියාට හෘදයාබාධයක් වැළදී හදිසියේ අසනීප වී ඇති බවයි තොරතුරු වාර්තා වුණේ.
එම අවස්ථාවේ දුම්රිය මැදිරිය තුළ ප්රවේශපත්ර පරීක්ෂාකරමින් සිටි පරීක්ෂකවරයෙකු වහාම මැදිහත් වී එම මගියාගේ ජීවිතය බේරාගැනීමට කටයුතු කර තිබෙනවා.
එහිදී පරීක්ෂකවරයා විසින් අසනීප වූ මගියාට කෘත්රීම ස්වසනය ලබා දී ඔහුව යළි ප්රකෘත්ති තත්ත්වයට ගැනීමට කටයුතු කර ඇති බවයි තොරතුරු වාර්තා වුණේ.
අනතුරුව එම මගියාව බිහාර් හි චප්රා දුම්රිය ස්ථානයෙන් බස්සවා වහාම රෝහල් ගත කිරීමටයි කටයුතු කර ඇත්තේ.
මෙම සිදුවීම අසළ සිටි තවත් පුද්ගලයෙක් විසින් වීඩියෝ ගතකර සමාජ මාධ්ය වෙත මුදාහැරීමත් සමඟ ඊට බොහෝ පිරිසකගේ අවධානය යොමුව තිබෙනවා.
