ජාතික ගොඩනැගිලි පර්යේෂණ සංවිධානය විසින් නායයාමේ පූර්ව අනතුරු ඇඟවීමේ නිවේදනයක් නිකුත් කර තිබෙනවා.
එම නිවේදනය අද (26) දින මධ්‍යාහ්න 12 සිට හෙට (27) මධ්‍යහ්න 12 තෙක් බලපැවැත්වෙන බවයි වාර්තා වන්නේ.
අනතුරු ඇඟවීමේ මට්ටම 02 (ඇම්බර්) යටතේ මීගහකිවුල, පස්සර, හාලි ඇල, බදුල්ල, බණ්ඩාරවෙල, වැලිමඩ සහ හපුතලේ යන ප්‍රදේශවලට නායයෑමේ අවදානම් සහිත පළමු මට්ටමේ අවදානම් නිවේදන නිකුත් කර තිබෙනවා.
මහනුවර සතර කබරයන් හෙවත් ගඟවට කෝරළය, උඩුදුම්බර, පාතහේවාහැට, දෙල්තොට, හාරිස්පත්තුව, තුම්පනේ, ගංගවට කෝරළය, උඩපළාත, පාතදුම්බර, යටිනුවර සහ මැදදුම්බර යන මහනුවර දිස්ත්‍රික්කයට අයත් ප්‍රදේශ කිහිපයකට මුල් අදියරේ අවදානම් නිවේදනයක් නිකුත් කර ඇති බවයි දැක්වෙන්නේ.
අරණායක සහ මාවනැල්ල යන කෑගලු දිස්ත්‍රික්කයේ ප්‍රදේශ දෙකකටත්, කුරුණෑගල දිස්ත්‍රික්කයේ රිදීගම හා මාවතගම ප්‍රදේශවලටත්, මාතලේ දිස්ත්‍රික්කයේ රත්තොට, නාඋල, අඹන්ගඟ කෝරළය, විල්ගමුව සහ උකුවෙල ප්‍රදේශාශ්‍රිතවත් නායයෑමේ නිවේදන නිකුත් කර තිබෙනවා.
නුවරඑළිය දිස්ත්‍රික්කයේ වලපනේ, හඟුරන්කෙත සහ කොත්මලේ ප්‍රදේශ ත්‍රිත්ත්වයට ද අනතුරු ඇඟවීමේ පළමු මට්ටමේ නිවේදනයක් නිකුත් කර ඇති බැවින් සැලකිලිමත් ව සිටින ලෙසයි ආපදා කළමනාකරණ මධ්‍යස්ථානය දැනුම්දී ඇත්තේ.
ලුණුගල, ඇල්ල, සොරණතොට, කන්දෙකැටිය, ඌව පරණගම සහ හල්දුම්මුල්ල, නාගොඩ, බද්දේගම සහ ඇල්පිටිය, බුලත්සිංහල, පූජාපිටිය, අකුරණ, යටියන්තොට, කෑගල්ල සහ බුලත්කොහුපිටිය, යටවත්ත, ලග්ගල පල්ලේගම, මාතලේ සහ පල්ලේපොල, පිටබැද්දර, නුවරඑළිය, අඹගමුව, රත්නපුර, ඉඹුල්පේ, පැල්මඩුල්ල, කහවත්ත, බලංගොඩ සහ විවෘතනායක යන ප්‍රදේශත් පළමු මට්ටමේ අවදානම් මට්ටමක සිටිනවා.
ජාතික ගොඩනැගිලි පර්යේෂණ සංවිධානයේ නායයෑම් පූර්ව අනතුරු ඇඟවීමේ මධ්‍යස්ථානය විසින් මෙම නිවේදනය නිකුත් කරමින් සඳහන් කර ඇත්තේ අවදානම් නිවේදන නිකුත් කර ඇති ප්‍රදේශවල ජනතාව ඉදිරි කාලගුණික තත්ත්වය ගැන අතිශය විමසිල්ලෙන් සිටින ලෙසටයි.
