දිස්ත්‍රික්ක කිහිපයකට නායයෑමේ අනතුරු ඇඟවීම්

පවතින තද වැසි සහිත කාලගුණ තත්ත්වය හේතුවෙන් දිස්ත්‍රික්ක 07ක් සඳහා ජාතික ගොඩනැගිලි පර්යේෂණ සංවිධානය විසින් නායයෑමේ අනතුරු ඇඟවීමේ නිවේදනයක් නිකුත් කර තිබෙනවා.

ඒ, අනුව ගාල්ල, හම්බන්තොට, මහනුවර, කෑගල්ල, මාතර, නුවරඑළිය සහ රත්නපුර යන දිස්ත්‍රික්කවලටයි එම අනතුරු ඇඟවීම සිදුකර ඇත්තේ.

අද (01) උදෑසන 11.00 සිට හෙට (02) පෙරවරු 11.00 දක්වා බලපැවැත්වෙන පරිදි අදාළ නිවේදනය නිකුත් කර තිබෙනවා.