බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් අද (10) දිනයේ විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරනවා.
ඌව පළාතේත්, අම්පාර, මඩකළපුව සහ මුලතිව් දිස්ත්රික්කවලත් ස්ථාන ස්වල්පයක අද (10) පස්වරු 2.00න් පසුව වැසි හෝ ගිගුරුම් සහිත වැසි ඇති විය හැකි බවයි දැනුම් දෙන්නේ.
වයඹ පළාතේ වැසි වාර කිහිපයක් ඇති විය හැකි අතර, උතුරු මැද, වයඹ, මධ්යම සහ දකුණු පළාත්වල සහ ත්රිකුණාමලය දිස්ත්රික්කයේ විටින් විට හමන පැ.කි.මී. 30-40ක පමණ තද සුළං ඇතිවිය හැකියි.
ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ජනතාවගෙන් ඉල්ලා සිටිනවා.
