නිල සංචාරයක් සඳහා දිවයිනට පැමිණ සිටින ඉන්දීය විදේශ කටයුතු අමාත්ය ආචාර්ය එස්. ජයිශංකර් අද (20) පෙරවරුවේ ජනාධිපති රනිල් වික්රමසිංහ හමු වී සාකච්ඡා පවත්වා තිබෙනවා.
ජනාධිපති කාර්යාලයේ දී මෙම හමුව සිදුව ඇති අතර, එම සාකච්ඡාවට මුදල් අමාත්යාංශ නිලධාරීන් ද එක්ව සිටි බවයි වාර්තා වුණේ.
මේ අතර ශ්රී ලංකාවට ණය ලබාදී ඇති සියලුම ද්විපාර්ශ්වික ණයහිමියන් එම ණය ප්රතිව්යුහගත කිරීමට ක්රියාකාරීව දායක විය යුතු බව ඉන්දීය විදේශ අමාත්යවරයා කොළඹ දී පැවති ඒකාබද්ධ ප්රවෘත්ති සාකච්ඡාවක දී පවසා තිබෙනවා.
එමෙන්ම ඉන්දීය විදේශ කටයුතු අමාත්ය ආචාර්ය එස්.ජයිශංකර් සහ විදේශ කටයුතු අමාත්ය ජනාධිපති නීතීඥ අලි සබ්රි අතර හමුවක් ද ඊයේ (19) පවත්වා තිබෙනවා.
එහිදී දෙරට අතර ද්විපාර්ශ්වික සබඳතා ශක්තිමත් කර ගැනීම සම්බන්ධයෙන් සහ වෙළඳ සහ ආයෝජන අවස්ථා ශක්තිමත් කර ගැනීම සම්බන්ධයෙන් දීර්ඝ වශයෙන් සාකච්ඡා වී ඇති බව සඳහන්.
ඉන්දීය විදේශ අමාත්යවරයා අද (20) රාත්රියේ දිවයිනෙන් පිටටත් යාමට නියමිත අතර, ඊට පෙර අග්රාමාත්ය දිනේෂ් ගුණවර්ධන සහ දෙමළ ජාතික සන්ධානයේ නියෝජිතයන් ද හමු වී සාකච්ඡා කිරීමට නියමිත බවයි වාර්තා වුණේ.
