ශ්රී ලංකා ක්රිකට් කණ්ඩායමේ හිටපු නායකයෙකු වන දිනේෂ් චන්දිමාල් ලෝක ළමා දිනය යෙදෙන අද දිනයේ තමන් ක්රිකට් අත්පොත් තැබූ පාසලට කෘතගුණ දැක්වූවා.
අම්බලන්ගොඩ ධර්මාශෝක විදුහලේ දීප්තිමත් ආදි ශිෂ්යයෙක් වන චන්දිමාල් තමන්ගේ පෞද්ගලි ධන පරිත්යාගයෙන් රුපියල් ලක්ෂ 200ක වියදමින් ඉදි කළ ගෘහස්ථ ක්රිකට් ක්රීඩාංගණයක් අද සිසු අයිතියට පත් කිරීම සිදු කෙරුණා.
දිවා රාත්රී පුහුණුවීම්වල යෙදිය හැකි මෙම ක්රීඩාංගණය රංජිත් පණ්ඩිතගේ ගෘහස්ථ ක්රීඩාංගනය ලෙසටයි නම්කර ඇත්තේ.
මෙම ක්රීඩාංගණය ධර්මාශෝක විද්යාලයේ සිසුන්ට පමණක් නොව සහෝදර පාසල්වල දරුවන්ට ද පරිහරණය කිරීමට අවස්ථාව සැලසෙන්නේ චන්දිමාල්ගේ විශේෂ ඉල්ලීමක් ලෙසයි.
යුද හමුදාපතිවරයාගේ මගපෙන්වීම යටතේ ශ්රී ලංකා යුද හමුදාවේ ශ්රම දායකත්වයෙන් මෙය ඉදිකිරීම ද විශේෂත්වයක්.
අම්බලංගොඩ ධර්මාශෝක විද්යාලයේ විදුහල්පතිනි සනූජා ජයවික්රම මහත්මිය ඇතුළු ආචාර්ය මණ්ඩලය මේ සඳහා සහාය ලබාදී තිබෙනවා.
ධර්මාශෝක විද්යාලය වෙනුවෙන් වයස අවුරුදු 13න් පහළ සහ 15න් පහළ, 17න් පහළ කණ්ඩායම් වෙනුවෙන් ක්රීඩා කළ චන්දිමාල් 2004 / 2005 වසර වලදී විද්යාලයීය මහා ක්රිකට් තරග සඳහා ද ක්රීඩා කළා.
