මධ්යම පළාත සහ බදුල්ල දිස්ත්රික්කය හැර දිවයිනේ අනෙකුත් සියලුම ප්රදේශවල උණුසුම් දර්ශකය, මේ දිනවල “මිනිස් සිරුරට දැනෙන” මට්ටමේ පවතින බව, අතිරේක කාලගුණ විද්යා අධ්යක්ෂක ජෙනරාල් අජිත් විජයමාන්න පවසනවා.
අද (27) පෙරවරුවේ පැවති මාධ්ය හමුවකට එක්වෙමින් ඔහු මේ බව සඳහන් කළා.
විශේෂයෙන්ම මේ දිනවල පෙරවරු 11.00 සිට පස්වරු 04.00 දක්වා කාල සීමාවේදී අධික උෂ්ණත්වයක් පවතින බවයි ඔහු වැඩිදුරටත් පෙන්වා දෙන්නේ.
ඒ අනුව එම කාල සීමාව තුළදී පාසල් සිසුන් ක්රීඩාවේ යෙදවීමෙන් වැළකී සිටීම, එළිමහනේ සිදු කරන රැකියා සහ ක්රියාකාරකම් සිදු නොකිරීම, කුඩා දරුවන් සහ වැඩිහිටි පුද්ගලයන් එළිමහනට යෑමෙන් වැළකී සිටීම සහ හැකිතාක් ජලය පානය කරන ලෙසත්, අතිරේක කාලගුණ විද්යා අධ්යක්ෂක ජෙනරාල්වරයා ජනතාවගෙන් ඉල්ලා සිටිනවා.













