සංචාරක ශ්රී ලංකා A කණ්ඩායම සහ දකුණු අප්රිකානු ‘ඒ’ කණ්ඩායම අතර පැවැත්වෙන පළමු ටෙස්ට් තරගය ජයග්රහණය කිරීමට ශ්රී ලංකා කණ්ඩායමට තවත් ලකුණු 140ක් පමණක් අවශ්ය ව තිබෙනවා.
තරගය දකුණු අප්රිකාවේ Kimberley ක්රීඩාංගණයේ දී පැවැත්වෙන අතර සිය දෙවැනි ඉනිම සඳහා ලකුණු 174ක ඉලක්කයක් හඹා යන ශ්රී ලංකා A කණ්ඩායම තෙවැනි දිනය ඊයේ (10) නිමාවන විට කඩුල්ලක් දැවී ලකුණු 34ක් ලබාගෙන සිටියා.
දකුණු අප්රිකානු A කණ්ඩායම සිය පළමු ඉනිම සඳහා සියල්ලන් දැවී ලකුණු 372ක් රැස් කළ අතර ශ්රී ලංකාව රැස් කළේ ලකුණු 323ක් පමණයි.
දකුණු අප්රිකානු කණ්ඩායම ඒ අනුව සිය දෙවැනි ඉනිම ඇරඹූ අතර ඔවුන් සියලු දෙනාම ලකුණු 124කට දවා ගන්නට ශ්රී ලංකා A කණ්ඩායමේ පන්දු බලඇණිය සමත් වුණා.
එහිදී විශිෂ්ට පන්දු යැවීමක නිරත ඉසිත විජේසුන්දර ලකුණු 34කට කඩුලු 07ක් බිඳ හෙලුවා.
ඒ අනුව තරගය ජය ගැනීමට අද (11) දිනය පමණක් ශ්රී ලංකා A කණ්ඩායමට ඉතිරිව ඇත්තේ ඔවුන්ගේ ජයග්රහණයට තවත් ලකුණු 140ක් අවශ්ය කරවමින්.
