තුර්කියේ සහ සිරියාවේ ඇති වූ භූ කම්පනයෙන් විපතට පත්වූවන් මුදාගැනීමේ මෙහෙයුම් සඳහා නාසා (NASA) ආයතනය ද එක්ව ඇති බව විදෙස් මාධ්ය වාර්තා කරනවා.
එක්සත් ජනපද අභ්යවකාශ ඒජන්සියේ පරිපාලක බිල් නෙල්සන් පැවසුවේ පෘථිවි නිරීක්ෂණ බලඇණියේ වටිනා තොරතුරු ගලවා ගැනීමේ සේවකයින්ට ලබාදීමට විශේෂඥ කණ්ඩායම් මේ වනවිටත් වෙහෙස මහන්සි වී වැඩ කරන බවයි.
මේ සඳහා නාසා ආයතනය සිය කෘතිම විවර රේඩාර් (SAR) භාවිත කරන අතර, එමඟින් දිවා රාත්රී ඕනෑම කාලගුණික තත්ත්වයක දී පෘථිවිය නිරීක්ෂණය කළ හැකි වීම විශේෂත්වයක්.
භූමිකම්පාවෙන් විනාශ වී ඇති තුර්කියේ සහ සිරියාවේ ගලවා ගැනීමේ ප්රයත්නයන්ට සහාය වීම සඳහා එහි ගුවන් ඡායාරූප සහ දත්ත මෙලෙස බදාගන්නා බවයි එම ආයතනය සඳහන් කළේ.
මේ අතර සිංගප්පූරුවේ පෘථිවි නිරීක්ෂණාගාරයේ සහ නාසා හි ජෙට් ප්රචාලන රසායනාගාරයේ විද්යාඥයින් කණ්ඩායමක් එක්ව භූමිකම්පාවට පෙර සහ පසු ඡායාරූප එකතු කර තුර්කියේ සිතියමක් නිර්මාණය කර ඇති බව ද තොරතුරු වාර්තා වනවා.
