තුන්කොන් තරගාවලියේ පළමු ජය සත්කාරක පාකිස්ථානයට

ශ්‍රී ලංකාව, පාකිස්තානය සහ සිම්බාබ්වේ කණ්ඩායම් අතර විස්සයි විස්ස තුන්කොන් තරගාවලිය ඊයේ (18) ආරම්භ වුණා.

තරගාවලිය ආරම්භ කරමින් සත්කාරක පාකිස්ථානය සහ සිම්බාබ්වේ කණ්ඩායම රාවල්පින්ඩි හිදී තරග බිමට පිවිසියා.

මෙම තරගයෙන් සිම්බාබ්වේ කණ්ඩායම පරදා කඩුලු 05ක ජයක් වාර්තා කිරීමට පාකිස්ථානය සමත් වුණා.

තරගයේ පළමුවෙන් පන්දුවට පහරදුන් සිම්බාබ්වේ කණ්ඩායම නියමිත පන්දුවාර 20 අවසානයේ කඩුලු 08ක් දැවී ලකුණු 147ක් රැස් කළා.

අනතුරුව ලකුණු 148ක ජයග්‍රාහී ඉලක්කය හඹා ගිය පාකිස්ථාන කණ්ඩායම පන්දුවාර 19යි පන්දු 02ක් තුළ කඩුලු පහක් පමණක් දැවී ලකුණු 151ක් ලබාගනිමින් මෙම තරගය ජයගත්තා.

තරගාවලියේ ශ්‍රී ලංකා සහභාගීවන පළමු තරගය හෙට (20) සිම්බාබ්වේ කණ්ඩායමට එරෙහිව පැවැත්වෙනවා.