ඊයේ (29) රාත්‍රීයේ පානදුර උතුර පොලිස් බල ප්‍රදේශයේ පානදුර උතුර පරත්ත පාර, සමගි මාවත ප්‍රදේශයේ පිහිටි තීන්ත නිෂ්පාදන කර්මාන්ත ශාලාවක ගින්නක් හටගෙන තිබෙනවා.
එම ගින්නෙන් තීන්ත කර්මාන්ත ශාලාව සම්පූර්ණයෙන්ම විනාශ වී ඇති ආකාරය දැකගන්නට ලැබුණා.
නිවාස රැසක් ඇති මෙම ප්‍රදේශයේ පිහිටි ගිනිගැනීමට ලක් වූ මෙම කර්මාන්ත ශාලාවේ ගින්න පාලනයට මොරටුව මහ නගර සභාවේ ගිනිවීම් රථ තුනක් පැමිණ කටයුතු කළා.
ගිනිගැනීමට ලක් වූ කර්මාන්ත ශාලාව මුළුමනින්ම විනාශ වී ඇති අතර ගින්න පාලනය කිරීම සඳහා ගිනි නිවන භටයින්, ප්‍රදේශවාසීන් දැඩි උත්සාහයක නිරත වූ අතර පානදුර උතුර පොලිසිය ද ඊට සහයෝගය ලබා දුන්නා.
මෙම ගින්නෙන් කිසිදු පුද්ගලයෙකුට හානියක් සිදුව නොමැති අතර ගින්නෙන් සිදුවූ හානිය පිළිබඳව මෙතෙක් තක්සේරු කර නොමැත.
මේ පිළිබඳව පානදුර උතුර පොලිසිය සහ මොරටුව මහනගර සභාවේ ගිනි නිවීම් ඒකකය ඉදිරි විමර්ශන ක්‍රියාත්මක කර තිබෙනවා.
