ශ්රී ලංකාව දකුණු ආසියාවේ තිරසර බලශක්ති මධ්යස්ථානයක් බවට පත් කරලීම සදහා ඕස්ට්රේලියාවේ සහ යුරෝපයේ නවීනතම තාක්ෂණය සහිත බලශක්ති සමාගම් දෙකක ආයෝජකයින් දෙදෙනෙක් ඊයේ (01) දින රාත්රීයේ කටුනායක ගුවන් තොටුපොළ වෙත පැමිණිය .
ඕස්ට්රේලියානු බලශක්ති සමාගම නියෝජනය කරමින් ඉසුරු යාපා සහ යුරෝපීය බලශක්ති සමාගම නියෝජනය කරමින් ස්විට්සර්ලන්ත ජාතික ලුඩවිකෝ ෆිනොට්ටෝ එසේ පැමිණ සිටියා.
ඔවුන් මෙරට වැවෙන ශාක පත්ර, නවීන තාක්ෂණය සමග මුසු කර නවතම බලශක්ති ප්රභවයක් හදුන්වා දීමට අදහස් කරන අතර , ඊට අමතරව නවීන බලශක්ති තාක්ෂණය මෙරටට හදුන්වා දීමට සහ බැටරි බලශක්ති ගබඩා පද්ධති මෙරට තුළ වැඩිදියුණු කිරීමට ඔවුන් අපේක්ෂා කරනවා.
ඔවුන් මේ පිළිබදව රජයේ සහ ශ්රී ලංකාවේ පෞද්ගලික අංශයේ ව්යාපාරිකයන් සමග ද සාකච්ඡා කිරීමට නියමිතයි.
මෙම ආයෝජකයින් දෙදෙනා ඊයේ (01) දින රාත්රී 09.25 ට සිංගප්පූරුවේ සිට ශ්රී ලන්කන් ගුවන් සේවයේ යූ.එල්.- 306 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබූ අතර ඔවුන් ගුවන් තොටුපොළ විශේෂ අමුත්තන්ගේ මැදිරියේ දී උසස් අන්දමින් පිළිගැනීමට කටයුතු කර තිබුණා.
wpDiscuz
