තායිවාන මුහුදු සීමා අබියස දී චීන හමුදා විසින් සිදු කරනු ලබන යුද අභ්යාස අමෙරිකාව දැඩි ලෙස විවේචනයට හසු කර තිබෙනවා.
විදෙස් මාධ්ය වාර්තා කරන්නේ තායිපේ අගනුවර සමග අමෙරිකාව දිගුකාලීන සහයෝගීතාව නැවත තහවුරු කරගනිමින් අමෙරිකානු රාජ්ය දෙපාර්තමේන්තුවේ නිල ප්රකාශකයෙකු පවසා ඇත්තේ එය චීනය විසින් සිදු කරනු ලබන “නිර්ලජ්ජිත සහ වගකීම් විරහිත තර්ජන” බවයි.
තායිපේ ටයිම්ස් පුවත්පතට අනුව, තායිවානය කෙරෙහි වොෂින්ටනයේ දිගුකාලීන කැපවීම වසර 45 ක් තිස්සේ පවතින ආකාරයටම ඉදිරියටත් සිදුවන බවත්, එක්සත් ජනපදය “චීනයේ මිලිටරි, ආර්ථික, තොරතුරු සහ රාජ්ය තාන්ත්රික පීඩනයට ප්රතිචාර වශයෙන් තායිවානයට සහාය දෙන” බවත් අමෙරිකාව පවසනවා.
“අපගේ ජාත්යන්තර හවුල්කරුවන් සමඟ එක්ව, අපි තායිවාන් සමුද්ර සන්ධිය හරහා සාමය සහ ස්ථාවරත්වය සඳහා දැඩි ලෙස පෙනී සිටින අතර බලහත්කාරයෙන් හෝ බලහත්කාරයෙන් පවතින තත්ත්වය වෙනස් කිරීමට ගන්නා ඕනෑම උත්සාහයකට විරුද්ධ වෙමු,” යනුවෙන් අමෙරිකානු රාජ්ය දෙපාර්තමේන්තුව වැඩිදුරටත් අවධාරණය කර තිබෙනවා.
