බ්රික්ස් සමුළුවේ දී, අගමැති මෝදි ගෝලීය ආයතන ප්රතිසංස්කරණය කිරීම සඳහා දැඩි ලෙස පෙනී සිටි අතර ත්රස්තවාදය දැඩි ලෙස හෙළා දුටුවේ එය මූලධර්මයක් ලෙස හෙළා දැකිය යුතු බව අවධාරණය කරමිනි.
පහල්ගම් ප්රහාරය මනුෂ්යත්වයට එල්ල වූ පහරක් ලෙස ඔහු ඉස්මතු කළ අතර ත්රස්තවාදයට සහාය දීමෙන් ප්රතිවිපාක ඇති විය යුතු බව අවධාරණය කරමින් ත්රස්තවාදයට එරෙහිව ඒකාබද්ධ ස්ථාවරයක් ඉල්ලා සිටියා.
“ත්රස්තවාදය හෙළා දැකීම අපගේ මූලධර්මය විය යුතුයි, ප්රහාරයක් සිදු වූයේ කුමන රටේ ද සහ කාට එරෙහිව ද යන්න මුලින්ම දුටුවහොත් එය මනුෂ්යත්වය පාවා දීමක් වනු ඇත,” ඔහු පැවසුවා.
පහල්ගම් ප්රහාරය ඉන්දියාවට පමණක් නොව “සමස්ත මනුෂ්යත්වයට ම” පහරක් බව මෝදි පැවසූ අතර, ත්රස්තවාදීන්ට එරෙහිව සම්බාධක පැනවීමට කිසිදු පැකිලීමක් නොතිබිය යුතු බවත්, ත්රස්තවාදයට සහාය දක්වන අය සහ වින්දිතයින් එකම තරාදියකින් කිරා මැන බැලිය නොහැකි බවත් පැවසුවා.
“ත්රස්තවාදය වැනි විෂයක් සම්බන්ධයෙන්, ද්විත්ව ප්රමිතීන්ට ඉඩක් නැත. ඕනෑම රටක් ත්රස්තවාදයට සෘජු හෝ වක්ර සහාය ලබා දෙන්නේ නම්, ඒ සඳහා මිල ගෙවිය යුතුය,” අගමැති මෝදි වැඩිදුරටත් සඳහන් කළ බවයි විදෙස් මාධ්ය වාර්තා පැවසුවේ.
ප්රතිසංස්කරණ සම්බන්ධයෙන් අදහස් දැක්වූ ඉන්දීය අගමැති මෝදි , බ්රික්ස් නව සාමාජිකයින් ඇතුළත් කර ඇති විට, UNSC, WTO සහ බහුපාර්ශ්වික සංවර්ධන බැංකු වැනි ආයතන ප්රතිසංස්කරණය කිරීමට ද එම අධිෂ්ඨානය පෙන්විය යුතු බව අවධාරණය කළා.
සෑම සතියකම තාක්ෂණය පරිණාමය වන AI යුගයේ, ගෝලීය ආයතන ප්රතිසංස්කරණයකින් තොරව වසර 80 ක් පැවතීම පිළිගත නොහැකි බව පවසමින් ප්රතිසංස්කරණ පිළිබඳ තම කරුණ අවධාරණය කිරීමට උත්සාහ කළා.
“20 වන සියවසේ යතුරු ලියන යන්ත්ර මත 21 වන සියවසේ මෘදුකාංග ක්රියාත්මක කළ නොහැකියි,” අගමැති පැවසුවේ 20 වන සියවසේ ගොඩනැගුණු ගෝලීය ආයතනවල මානව වර්ගයාගෙන් තුනෙන් දෙකකට තවමත් නිසි නියෝජනයක් නොමැති බව පෙන්වා දෙමින්.
“අද ගෝලීය ආර්ථිකයේ ප්රධාන කාර්යභාරයක් ඉටු කරන බොහෝ රටවලට තවමත් තීරණ ගැනීමේ මේසයේ අසුනක් ලබා දී නොමැත. මෙය නියෝජනය ගැන පමණක් නොව, විශ්වසනීයත්වය සහ කාර්යක්ෂමතාව ගැන ද ප්රශ්නයක්,” ඔහු පැවසුවා.
ගෝලීය දකුණේ අවශ්යතාවලට නිසි වැදගත්කමක් ලබා දී නොමැති බවට චෝදනා කළ මෝදි එය අඛණ්ඩ ගැටුම්, වසංගතය, ආර්ථික අර්බුද හෝ සයිබර් හෝ අභ්යවකාශයේ මතුවෙමින් පවතින අභියෝගවලට, ගෝලීය ආයතන විසඳුම් ලබා දීමට අපොහොසත් වී ඇති බව සඳහන් කර ඇති බවයි විදෙස් මාධ්ය පෙන්වාදෙන්නේ.
