කිලිනොච්චිය, කෝවින්දන් මංසන්ධිය අසල ඇළක තිබී මියගිය තරුණයින් දෙදෙනෙකුගේ මළ සිරුරු අද (14) උදෑසන සොයාගෙන තිබෙනවා.
පොලිසියට ලද තොරතුරක් අනුව මෙම මළ සිරුරු සොයාගෙන ඇති අතර, මෙලෙස සොයාගෙන ඇත්තේ වයස අවුරුදු 20ක සහ 18ක තරුණයින් දෙදෙනෙකුගේ මළ සිරුරු බවයි වාර්තා වුණේ.
මොවුන් කිලිනොච්චිය, අලහපුරම් ප්රදේශයේ පදිංචිකරුවන් බවයි පොලිසිය පැවසුවේ.
මෙම තරුණයින් දෙදෙනා යතුරුපැදියකින් ගමන් කරමින් සිටිය දී එය පාලනය කරගැනීමට නොහැකිව ඇළට වැටී දියේ ගිලීමෙන් මිය යන්නට ඇති බවයි පොලිසිය සැකපළ කරන්නේ.
මේ අතර මළ සිරුරු හමුවූ ඇළේ තිබී යතුරුපැදියක් ද පොලිසිය විසින් සොයාගෙන තිබෙනවා.
මළ සිරුරු සම්බන්ධයෙන් මහේස්ත්රාත් පරීක්ෂණය කිලිනොච්චිය මහේස්ත්රාත් එම්.ජමිල් මහතා විසින් සිදුකර ඇති අතර, පශ්චාත් මරණ පරීක්ෂණය සඳහා මළ සිරුරු කිලිනොච්චිය රෝහල වෙත යොමු කිරීමට කටයුතු කර තිබුණා.
සිද්ධිය සම්බන්ධයෙන් කිලිනොච්චිය පොලිසිය වැඩිදුර පරීක්ෂණ මෙහෙයවනු ලබනවා.
