Rajapura Handi Oil
Rajapura Diabetic Powder

තමන් ඝාතනය කිරීමට තිදෙනෙක් කුමන්ත්‍රණය කරනවා – වෙඩි කාපු ඉම්රාන්ගෙන් චෝදනාවක්

තමා ඝාතනය කිරීමට ප්‍රධාන වශයෙන් පුද්ගලයින් තිදෙනෙක් උත්සහ කරන බව පාකිස්තානයේ හිටපු අග්‍රාමාත්‍ය ඉම්රාන් ඛාන් චෝදනා කරනවා.

මෙලෙස තමන්ගේ ජීවිතය අවසන් කිරීමට කුමන්ත්‍රණය කරන ප්‍රධාන පුද්ගලයා එරට අග්‍රාමාත්‍ය ෂෙහ්බාස් ෂරීෆ් බවයි ඉම්රාන් ප්‍රකාශ කර සිටියේ.

පාකිස්තාන අභ්‍යන්තර කටයුතු අමාත්‍ය රානා සානුල්ලා සහ එරට අයි.එස්. බුද්ධි අංශ අධ්‍යක්ෂ ජනරාල් ෆයිසාල් නසාල් අනෙක් පුද්ගලයින් දෙදෙනා බවයි ඉම්රාන් ඛාන් සඳහන් කරන්නේ.

පාකිස්තානයේ හිටපු අග්‍රාමාත්‍ය ඉම්රාන් ඛාන් ඊයේ ජන රැලියකට සහභාගී වී සිටිද්දී වෙඩි ප්‍රහාරයකින් තුවාල ලැබුවා.

මෙහිදී පාදයට වෙඩි වැදුණු හිටපු අග්‍රාමාත්‍යවරයා රෝහල් ගත කිරීමට කටයුතු කළ අතර, ඔහුට සැත්කමක් සිදුකිරීමට සිදුවන බවයි විදෙස් මාධ්‍ය අද කරුණු වාර්තා කර තිබුණේ.

ඉම්රාන් ඉලක්ක කර සිදුකළ මෙම වෙඩි ප්‍රහාරටෙන් එක් අයෙකු මියගොස් තවත් පස්දෙනෙකු තුවාල ලැබුවා.
වෙඩි තැබීමට පුද්ගලයන් දෙදෙනකු පැමිණ සිටි ඇති අතර, ඔවුන්ගෙන් එක් අයෙකු අල්ලා ගැනීමට පොලිසිය සමත්ව තිබෙනවා.

මේ අතර, හිටපු අග්‍රාමාත්‍යවරයාට එල්ල වුණු වෙඩි ප්‍රහාරය හෙළා දකිමින් පාකිස්තාන අග්‍රාමාත්‍ය ෂෙහ්බාස් ෂරීෆ් සිය කණගාටුව පළ කර ඇතැයි ද විදෙස් මාධ්‍ය වාර්තා කර තිබුණා.