ඩේසි ෆොරස්ට් නැමැත්තියට විදෙස් ගමන් තහනමක් පනවා ඇතැයි පොලිස් මාධ්ය ප්රකාශකවරයා පැවසුව ද තමන් එවැනි විදෙස් තහනමක් ඩේසි ෆොරස්ට් නැමැත්තියට පනවා නොමැති බව කඩුවෙල මහේස්ත්රාත් චානිමා විජේබණ්ඩාර මහත්මිය අද (13) විවෘත අධිකරණයේ දී ප්රකාශ කළා.
යෝෂිත රාජපක්ෂගේ හවුල් බැංකු ගිණුමක රුපියල් මිලියන 59ක් හමුවීම සම්බන්ධයෙන් මුදල් විශුද්ධිකරණ පනත යටතේ කඩුවෙල අධිකරණයේ ගොනුකර ඇති නඩුවකට අදාළව නීතිඥ ප්රේමනාත් දොළවත්ව විසින් මෝසමක් ඉදිරිපත් කරමින් යළි එය විභාගයට ගැනීමට කටයුතු කළ අවස්ථාවේ දී මහේස්ත්රාත්වරිය මේ පිළිබඳව සඳහන් කර සිටියා.
අදාළ නඩුව විභාගයට ගැනීමටත් පෙර ඩේසි ෆොරස්ට් නැමැත්තියට විදෙස් ගමන් තහනමක් පැන වූ බවට මාධ්ය හමුවක දී පොලිස් මාධ්ය ප්රකාශකවරයා ප්රසිද්ධියේ ප්රකාශයට පත් කිරීම අධිකරණයට අපහාස කිරීමක් බවයි නීතිඥ ප්රේමනාත් සී දොළවත්ත අධිකරණය හමුවේ කරුණු දක්වමින් සඳහන් කළේ.
අදාළ නඩුව සම්බන්ධයෙන් අධිකරණයට ඉදිරිපත් කිරීමට පෙර පොලිස් මාධ්ය ප්රකාශකවරයා විසින් මාධ්ය හමුවක් කැඳවා නඩු දෙකක් පැවරීමට කටයුතු කරන බවත්, එක් තැනැත්තියකට විදෙස් ගමන් තහනමක් ලබාගත් බවත් ප්රසිද්ධියේ පැවසීම සම්බන්ධයෙන් ඉදිරියේ දී නීතිමය ක්රියාමාර්ග ගැනීමට කටයුතු කරන බවයි ප්රේමනාත් සී දොළවත්ත නීතිඥවරයා වැඩිදුරටත් සඳහන් කර සිටියේ.
