ඩෙංගු සහ චිකුන්ගුන්යා රෝග පාසල් තුළ නිවාරණය කිරීමට කටයුතු කළ යුතු ආකාරය පිළිබඳ දැනුම්වත් කරමින් අධ්යාපන අමාත්යාංශය විශේෂ උපදෙස් පත්රයක් නිකුත්කර තිබෙනවා.
පාසල් තුළ සිදුකරන විශේෂ ක්ෂේත්ර පරීක්ෂා කිරීම්වල දී පාසල් පරිශ්රයක මදුරුවන් බෝවන ස්ථාන තිබී හඳුනාගතහොත් එම පාසලේ විදුහල්පතිවරයාට එරෙහිව නීතිමය ක්රියාමාර්ග ද ගතහැකි අදාළ උපදෙස් පත්රිකාවේ සඳහන්.
පාසල් ආශ්රිත පරිසරය මදුරුවන්ගෙන් තොරව ආරක්ෂිතව පවත්වාගෙන යාම සඳහා මීට පෙර නිකුත්කර ඇති 2010/22 හා 30/2017 චක්රලේඛ උපදෙස් ලිපිවලට අමතරව ගතයුතු ක්රියාමාර්ග ඇතුළත් කරමිනුයි නව උපදෙස් පත්රය නිකුත්කර ඇත්තේ.
ඒ, අනුව සියලුම පාසල් පරිශ්රයන් මදුරුවන් බෝ නොවන පරිදි පවත්වාගෙන යෑම සඳහා පාසල් අධ්යාපන කටයුතුවලට බාධාවක් නොවන පරිදි සුදුසු අභ්යන්තර වැඩපිළිවෙළක් සකස්කර ක්රියාත්මක කිරීමට මෙම උපදෙස් පත්රය මඟින් යෝජනා කර තිබෙනවා.
සියලුම රජයේ හා රජයේ අනුමත පෞද්ගලික පාසල්වල විදුහල්පතිවරු, පිරිවෙන් පරිවේනාධිපතිවරුන්, ජාතික අධ්යාපන විද්යාපීඨවල පීඨාධිපතිවරු සහ පළාතේ අනෙකුත් අධ්යාපන මධ්යස්ථාන සහ කාර්යාල ප්රධානීන් මේ සම්බන්ධයෙන් දැනුවත් කර තිබෙනවා.
