ඩෙංගු වර්ධනයවන ස්ථාන පිළිබඳ ජනතාව සැලකිලිමත් නොවන්නේ නම් සෞඛ්ය අංශ මඟින් එම ස්ථාන පිරිසිදු කර, ඊට වැයවන මුදල් සේවා ස්ථානය හෝ නිවාස හිමිකරුවන්ගෙන් අයකර ගන්නා බව ඩෙංගු මර්දන ඒකකයේ අධ්යක්ෂ විශේෂඥ වෛද්ය සුදත් සමරවීර පවසනවා.
පවතින අධි වසංගත තත්ත්වය සැළකිල්ලට ගෙන අද (07) දිනයේ සිට දිවයින පුරා ඩෙංගු මර්ධන සතියක් ද ආරම්භ වුණා.
මෙම වසර ආරම්භයේ සිට වැඩිම ඩෙංගු රෝගීන් පිරිසක් වාර්තාවන්නේ කොළඹ දිස්ත්රික්කයෙන් වන අතර, එම පිරිස 1871ක්.
ඊයේ (06) දිනයේ පමණක් කොළඹින් දිස්ත්රික්කයෙන් ඩෙංගු රෝගීන් 384ක්, යාපනයෙන් දිස්ත්රික්කයෙන් රෝගීන් 351ක් සහ ගම්පහ දිස්ත්රික්කයෙන් රෝගීන් 203ක් වාර්තා වී තිබෙනවා.
මේ අතර දිවයින පුරා හදුනාගෙන ඇති ඩෙංගු අධි අවධානම් සෞඛ්ය වෛද්ය නිළදාරී කොට්ඨාස සංඛ්යාව 71ක් බවයි සෞඛ්ය අංශ පවසන්නේ.
