ඩෙංගු, කහ උණ සහ සිකා වැනි රෝග මර්දනය සඳහා විද්යාඥයින් පිරිසක් එක් ව විශේෂ ක්රමයක් සොයාගෙන තිබෙනවා.
ඩෙංගු පිරිමි මදුරුවන් බිහිරි කරවීම මගින් ඔවුන් සිය ලිංගික ක්රියාවලිය අක්රීය කරන බවයි මෙම පරීක්ෂණයෙන් හෙළි ව ඇත්තේ.
ගුවනේ පියාසර කරන අතරතුර මෙම පිරිමි මදුරුවන් ලිංගිකව හැසිරෙන අතර ගැහැණු මදුරුවෙකු පසුපස හඹා යාමට සිය ශ්රවණේන්ද්රිය යොදා ගන්නා බව පැවසෙනවා.
එබැවින් ශ්රවණය සඳහා පිරිමි මදුරුවන් භාවිතා කරන ජානමය මාර්ග පද්ධතිය වෙනස් කරමින් පරීක්ෂක කණ්ඩායම මෙම අත්හදා බැලීම සිදු කළා.
දින තුනක් එකම කූඩුවක බිහිරිව සිටි පිරිමි මදුරුවන් එහි සිටි ගැහැනු මදුරුවන් සමග කිසිදු ශාරීරික සබඳතාවක් නොපැවැත්වූ බවයි හෙළිව ඇත්තේ.
එබැවින් ගැහැනු මදුරුවන් විසින් මිනිස්සුන්ට රෝග බෝ කරන බැවින් එය මර්දනයට පිරිමි මදුරුවන් බිහිරි කරවිය හැකි බවටයි බීබීසී මාධ්යය වාර්තා කර සටහනේ දැක්වෙන්නේ.
කැලිෆෝනියා විශ්වවිද්යාලයේ විද්යාඥවරුන් විසින් වසරකට මිලියන 400ක පමණ පිරිසකට වෛරස් ව්යාප්ත කරන ඊඩිස් ඊජිප්ටයි (ගැහැනු) මදුරුවන් මෙම පර්යේෂණයට යොදා ගනිමින් සිය අධ්යයනය සිදු කරනු ලැබුවා.
එම මදුරුවන්ට ශ්රවණය සඳහා අත්යවශ්ය වන්නේ trpVa නමැති ප්රෝටීනයක් බැවින් එය ඉවත් කිරීමෙන් ඔවුන්ව බිහිරි කළ හැකි බවයි හෙළි ව ඇත්තේ.
