බංග්ලාදේශය සමඟ පැවැත්වෙන තරග තුනකින් සමන්විත විස්සයි විස්ස තරගාවලිය සඳහා ඉන්දීය 20-20 කණ්ඩායමේ උප නායක ශුබ්මන් ගිල් ක්රීඩා නොකරන බවට තොරතුරු වාර්තා වනවා.
කෙසේ වෙතත් ඔහු බංග්ලාදේශය සමඟ ලබන 19 වනදා ආරම්භ වන ටෙස්ට් තරගාවලිය සඳහා නම්කර තිබෙනවා.
නවසීලන්තය සමඟ ලබන ඔක්තෝම්බරයේ ආරම්භ වන තරග තුනක ටෙස්ට් තරගාවලිය සඳහා ගිල්ව එක්කර ගැනීමේ අරමුණ ඇතිව බංග්ලාදේශය සමඟ විස්සයි විස්ස තරගාවලියේ දී ඔහු විවේක ගන්වා ඇති බවයි වාර්තා වන්නේ.
විස්සයි විස්ස තරඟ තුන ඔක්තෝබර් 07, 10 සහ 13 යන දිනයන්වල දී පැවැත්වෙන අතර, නවසීලන්තයට එරෙහිව පළමු ටෙස්ට් තරඟය ආරම්භ වන්නේ ඉන් දින තුනකට පසු එනම් ඔක්තෝබර් 16 වනදායි.
ඒ, අනුව ගිල්ට විවේකයක් අවශ්යවීම හේතුවෙන්, බංග්ලාදේශය සමඟ ටෙස්ට් තරගාවලියෙන් පසු ආරම්භවන විස්සයි විස්ස තරගාවලියේ දී ඔහුව ව්වේක ගැන්වීමට තීරණයකර තිබෙනවා.
ලෝක ටෙස්ට් ශූරතාව කෙරෙහි වැඩි අවදානයක් යොමුකිරීම හේතුවෙන් ඉන්දියාව මේ වනවිට ක්රීඩකයින් කළමනාකරණය පිළිබඳව ඉතා සුකෂමව කටයුතු කරන බවයි වාර්තා වුණේ.
ඒ, අනුව වේග පන්දු යවන්නන් වන ජස්ප්රිත් බුම්රා සහ මොහොමඩ් සිරාජ්ට ද සීමිත පන්දුවාර තරගාවල දී විවේකයක් ලබාදෙනු ඇති බවයි තොරතුරු වාර්තා වන්නේ.
ඊට අමතරව රිෂාබ් පාන්ට් ද දිගු තරග ආකෘති සඳහා අවශ්ය බැවින් ඔහු කෙරෙහි ද මෙම අවදානය යොමුව තිබෙනවා.
