අමෙරිකාව තුළ සිටින කිසිදු සංක්රාන්තික ලිංගික කාන්තාවකට ‘කාන්තා ක්රීඩා’ සඳහා එක් කිරීමේ අවස්ථාව තහනම් කරමින් විශේෂ විධායක නියෝගයක් නිකුත් කර තිබෙනවා.
අල් ජසීරා මාධ්ය වාර්තා කර ඇත්තේ ට්රම්ප් බලයට පත්වීමෙන් පසුව සිදු කළ සිව්වැනි විධායක නියෝගය මෙය වන බවයි.
LGBTQ අයිතිවාසිකම්වලට ඇහුම්කන් නොදෙන ජනාධිපතිවරයෙකු ලෙසයි ට්රම්ප් ජනාධිපතිවරයාව එරට වැසියන් හඳුන්වන්නේ.
ඒ අනුව මින් ඉදිරියට කිසිදු සංක්රාන්තික කාන්තාවකට, ගැහැනු දරුවෙකුට ක්රීඩා කිරීමේ අයිතිය අහෝසි වනු ඇති.
මෙම නියෝගය අද (06) අත්සන් කර ඇති අතර ඊට ගැහැනු ළමුන් සහ කාන්තාවන් විශාල පිරිසක් ද එක් ව සිටියා.
ට්රම්ප් සඳහන් කරන්නේ සිය රට තුළ සංක්රාන්තික ලිංගික කාන්තාවන්ගේ ක්රීඩා අවශ්යතා සඳහා ෆෙඩරල් රජයේ අරමුදල් කිසිසේත්ම හිමිනොවන බවයි.
අගෝස්තු මාසයේ පැරිස් ඔලිම්පික් උලෙළේ දී ලිංගභේදය පිළිබඳ ව දැඩි පරීක්ෂාවකට ලක් වූ ඇල්ජීරියානු කාන්තා බොක්සිං ක්රීඩිකාව ඉමාන් කෙලිෆ් සම්බන්ධයෙන් ද ජනාධිපති ඩොනල්ඩ් ට්රම්ප් අදහස් දක්වා තිබුණා.
එහිදී ඔහු “පිරිමින් ගැහැණු ළමයින් යැයි කියා ගැනීම” සහ “ජයග්රහණ සොරකම් කිරීම” යන කරුණු සම්බන්ධයෙන් ද කරුණු දැක්වූ බව විදෙස් මාධ්ය වාර්තා කර තිබෙනවා.
මෙම විධායක නියෝගය හා සම්බන්ධව කටයුතු කරන ධවල මන්දිර නිලධාරීන් පවසා ඇත්තේ මෙම නියෝගයේ අරමුණ කාන්තාවන්, ආරක්ෂිතව සහ සාධාරණ මලල ක්රීඩා අවස්ථා සඳහා ප්රවේශ වීම සුරැකීම බවයි.
