ශ්රී ලංකාවේ නිල සංචාරයකට එක්වූ ජපාන මුදල් අමාත්ය මහතා දිවයිනෙන් පිටත්ව ගොස් තිබෙනවා.
පසුගිය 11 වනදා මෙරටට පැමිණි ජපාන මුදල් අමාත්යවරයා ජනාධිපති රනිල් වික්රමසිංහ මහතා මෙන්ම කතානායකවරයා ඇතුලු දේශපාලනඥයින් පිරිසක් ද හමුවී තිබුණා.
එමෙන්ම ආර්ථිකය ස්ථාවර කිරීම වෙනුවෙන් ජනාධිපතිවරයා ගෙන යන වැඩපිළිවෙල ද ඔහුගේ ප්රශංසාවට ලක්වූ බවයි ජනාධිපති මාධ්ය අංශය කියාසිටියේ.
මෙරට දළ දේශීය නිෂ්පාදිතයේ දර්ශක සහ උද්දමන දර්ශකවල ධනාත්මක ප්රවණතා පෙන්වා දුන් ජපාන මුදල් අමාත්යවරයා ශ්රී ලංකාවට එම ප්රගතිය අත්පත් කර ගැනීමට හැකි වූයේ ජනාධිපති රනිල් වික්රසිංහ මහතාගේ නිවැරදි ආර්ථික වැඩපිලිවෙල හේතුවෙන් බවයි කියා සිටියේ.
ජපාන මුදල් අමාත්යවරයා තම ශ්රී ලංකා සංචාරය තුලදී ජයවර්ධනපුර රෝහල, කටුනායක ගුවන්තොටුපල මෙන්ම පාර්ලිමේන්තුවේ ද නිරීක්ෂණයකට එක්ව තිබුණා.
අද සිය නිල සංචාරය අවසන් කළ ජපාන මුදල් අමාත්යවරයා දිවයිනෙන් පිටත්ව ගිය අතර ඔහුට සමුදීම සදහා ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතා එක්ව සිටියා.
