ටෝකියෝ සහ බීජිං අතර පුලුල් වන ආරවුලක් මධ්යයේ, චිත්රපට බෙදාහරින්නන් චීනයේ අවම වශයෙන් ජපන් චිත්රපට දෙකක් ප්රදර්ශනය කිරීම අත්හිටුවා තිබෙනවා.
ජපාන අගමැතිනි සානේ ටකයිචි විසින් තායිවානය පිළිබඳ කළ ප්රකාශ චීනයෙන් උණුසුම් ප්රතිචාරයක් ඇති කළ අතර වසර ගණනාවකට පසු නැගෙනහිර ආසියානු බලවතුන් දෙදෙනා අතර ඇති බරපතලම රාජ්ය තාන්ත්රික ගැටුමට මුල පිරූ සති දෙකකට පසුව මෙම සිද්ධිය වාර්තා වනවා.
ඉදිරි සතිවල නිකුත් කිරීමට නියමිතව තිබූ Super Hot! The Spicy Kasukabe Dancers සහ “Cells at Work!” චීනය තුළ ප්රදර්ශනය ආරම්භ නොකරන බව චිත්රපට බෙදාහරින්නන් උපුටා දක්විමන් cctv වාර්තා කළා.
මේ දිනවල තිරගත වූ සජීවිකරණ චිත්රපටයක් වන “Demon Slayer: Infinity Castle” මුලින් හොඳ ප්රතිචාරයක් ලැබුණද, CCTV වාර්තා කළේ මේ වන විට “චීන ප්රේක්ෂකයින්ගේ දැඩි අතෘප්තිය” හේතුවෙන් ටකයිචිගේ ප්රකාශවලින් පසු එහි බොක්ස් ඔෆිස් කාර්ය සාධනය පහත වැටී ඇති බවයි.
චිත්රපට ආනයනකරුවන් සහ බෙදාහරින්නන් වෙළඳපොළ ප්රතිචාරයට සවන් දීමට, ප්රේක්ෂක හැඟීම්වලට ගරු කිරීමට සහ ඉදිරියේදී නිකුත් වන චිත්රපට නිකුත් කිරීම කල් දැමීමට තෝරාගෙන ඇති බව CCTV පැවසුවා.
ජපානයේ පැවැත්මට තර්ජනයක් වන තායිවානයට එල්ල කරන චීන ප්රහාරයක් මිලිටරි ප්රතිචාරයක් ඇති කළ හැකි බව ටකයිචි පාර්ලිමේන්තුවේ දී පැවසීමත් සමග රාජ්යතාන්ත්රික අර්බුදය ආරම්භ වුණා.
එතැන් සිට බීජිං ජපානයට යන ගමන නවත්වන ලෙස පුරවැසියන්ගෙන් ඉල්ලා සිටි අතර, දකුණු අප්රිකාවේ මෙම සතියේ පැවැත්වෙන G20 සමුළුවට සමගාමීව චීන අගමැති ලී කියැං ටකයිචි හමුවීමට කිසිදු සැලසුමක් නොමැති බව ද ප්රකාශ කළා.
