ජපානයේ මහ මැතිවරණය අද

නියෝජිත මන්ත්‍රී මණ්ඩලය සඳහා මන්ත්‍රීවරුන් පත්කර ගැනීම වෙනුවෙන් සිදුකෙරෙන ජපාන මහ මැතිවරණයේ ඡන්ද විමසීම අද (27) පැවැත් වෙනවා.

මෙම ඡන්ද විමසීමේ දී නියෝජිත මන්ත්‍රී මණ්ඩලය සඳහා මන්ත්‍රීවරුන් 465 දෙනෙකු තෝරාපත් කරගැනීම නියමිතයි.

ජපාන මහ මැතිවරණය සඳහා අපේක්ෂකයින් 1300 දෙනෙක් ඉදිරිපත්ව සිටින බවයි විදෙස් මාධ්‍ය තොරතුරු වාර්තා කරන්නේ.

පාලක ලිබරල් ප්‍රජාතන්ත්‍රවාදී පක්ෂයේ නායකයා වන ෂිගෙරු ඉෂිබා අග්‍රාමාත්‍ය ධුරයට තේරී පත් වී දින තුනකට පසු එම තනතුරේ නිල වශයෙන් දිවුරුම් දීමට පෙර මෙම මහ මැතිවරණය කැඳවනු ලැබුවා.

ඒ, අනුව ජපානය පුරා පිහිටි මධ්‍යස්ථාන 45,000 කදී ජපාන වැසියන් අද ඡන්දය ප්‍රකාශ කරන අතර, ඒ සඳහා මිලියන 104 කට වැඩි ඡන්ද දායකයින් සංඛ්‍යාවක් සුදුසුකම් ලබා සිටිනවා.

මෙම ඡන්ද විමසීම, එරට වේලාවෙන් උදෑසන 7.00ට ආරම්භ වී රාත්‍රී 8.00 දක්වා පැවැත්වෙනවා.

මෙම ඡන්ද විමසීමේ දී නියෝජිත මන්ත්‍රී මණ්ඩලයේ ආසන 233 ඉක්ම වූ බහුතර බලයක් ලබාගන්නා කණ්ඩායමට ජපාන පාර්ලිමේන්තුවේ බලය ඉදිරි වසර 04 සඳහා හිමිවනු ඇති.