ජනාධිපතිවරයා සමග පැවැති සාකච්ඡා අසාර්ථක වූ බව වෘත්තීයවේදීන්ගේ වෘත්තීය සමිති එකමුතුව පවසනවා.
බදු ප්රතිපත්තිය වෙනුවෙන් තමන් ඉදිරිපත් කළ විකල්ප යෝජනාවලට සාධනීය ප්රතිචාරයක් ලබානොදීම හේතුවෙන් ජනාධිපති රනිල් වික්රමසිංහ මහතා සමග පැවති සාකච්ඡාව අසාර්ථක වූ බවයි වෘත්තීයවේදීන් සඳහන් කළේ.
රජයේ වෛද්ය නිලධාරීන්ගේ සංගමයේ මාධ්ය ප්රකාශක, වෛද්ය චමිල් විජේසිංහ පැවසුවේ, ඒ අනුව සිය විරෝධතා අඛණ්ඩව ක්රියාත්මක බවයි.
රුපියල් ලක්ෂයට වැඩි මාසික ආදයමක් ලබන පුද්ගලයෙකුගෙන් ජනවාරි මාසයේ සිට 6% සිට 36% දක්වා බදු අය කිරීමේ ප්රතිපත්තියට එරෙහිව වෘත්තීයවේදීන් හා ජනාධිපතිවරයා අතර ජනාධිපති ලේකම් කාර්යාලයේදී මෙම සාකච්ඡාව පැවැත් වුණා.
ඊට වෛද්ය නිලධාරීන්ගේ සංගමය, වරාය, විදුලිය, ජල සම්පාදන, බැංකු, ඛණිජ තෙල්, විශ්වවිද්යාල ආචාර්යවරුන් ඇතුළු වෘත්තිය සමිති 40ක වෘත්තීයවේදීන් එක්ව සිටියා.
ජාත්යන්තර මූල්ය අරමුදල නිදහස කරුණු ලෙස පෙන්වා දෙමින් තම ගැටළුවලට විසදුම් ලබාදීමට රජයේ පාර්ශවය අපොහොසත් වූ බවයි රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ සඳහන් කළේ.
