නිමා වූ 2024 ජනාධිපතිවරණය සඳහා ඉදිරිපත් වූ අපේක්ෂකයින් සිය මැතිවරණ ප්රචාරණ කටයුතු සඳහා සිදුකළ වියදම් වාර්තා ඉදිරිපත් කිරීමට ලබා දී තිබූ කාලය අද (13) පස්වරු 3.00ට අවසන් වනවා.
මැතිවරණ වියදම් නියාමන පනතට අනුව ජනාධිපතිවරණය අවසන් වී දින 21ක් ඇතුළත අදාළ වියදම් වාර්තා මැතිවරණ කොමිෂන් සභාව වෙත ඉදිරිපත් කළ යුතු වනවා.
එලෙස නියමිත කාලය තුළ දී වියදම් වාර්තා ලබා නොදෙන අපේක්ෂකයින්ට එරෙහිව මැතිවරණ වියදම් නියාමන පනත යටතේ නීතිමය ක්රියාමාර්ග ගැනීමට ද හැකියව පවතිනවා.
මේ අතර මැතිවරණ කොමිෂන් සභාව සඳහන් කළේ පසුගිය ජනාධිපතිවරණය සඳහා ඉදිරිපත් වූ අපේක්ෂකයින් 38 දෙනාගෙන් අපේක්ෂකයින් 18 දෙනෙක් මේ වනවිට අදාළ වියදම් වාර්තා භාර දී ඇති බවයි.
කෙසේ වෙතත් ප්රධාන පෙළේ අපේක්ෂකයින් ඇතුළු තවත් අපේක්ෂකයින් 20 දෙනෙක් එම වියදම් වාර්තා අද (13) පස්වරු 3.00ට පෙර භාරදිය යුතු වනවා.
ඔබේ ප්රතිචාරය කුමක්ද ?
+1
1
+1
2
+1
+1
+1
+1
+1
1
