ජනාධිපති අනුර කුමාර දිසානායක මහතාගේ සිව්දින චීන රාජ්ය සංචාරයේ දී මෙරටට හිමි වු විශාලතම ආයෝජනය සනිටුහන් කරමින් හම්බන්තොට ප්රදේශයේ නව තෙල් පිරිපහදුවක් ඉදිකිරීමට අදාළ ව ශ්රී ලංකාවේ විදුලිබල හා බලශක්ති අමාත්යාංශය සහ චීනයේ සයිනොපෙක් සමාගම අතර ගිවිසුමකට අත්සන් තැබීම අද (16) පෙරවරුවේ සිදු කෙරුණා.
ප්රමුඛ පෙළේ ජාත්යන්තර ඛනිජ තෙල් සමාගමක් වන සයිනොපෙක් සමාගම ඩොලර් බිලියන 3.7ක සෘජු විදේශ ආයෝජනයක් යටතේ මෙරට ඉදිකිරීමට නියමිත මෙම තෙල් පිරිපහදුව තෙල් බැරල් ලක්ෂ 02ක ධාරිතාවකින් යුක්ත අතර ඉන් අතිවිශාල ප්රමාණයක් අපනයනය කිරීමට සැලසුම් කර තිබෙනවා.
චීනයෙන් ශ්රී ලංකාවට හිමි වු මෙම දැවැන්ත ආයෝජනය මෙරට ආර්ථික වර්ධනයට මෙන්ම හම්බන්තොට ප්රදේශයේ අඩු අදායම්ලාභී ජනතාවගේ ජීවනෝපායමාර්ග ද ශක්තිමත් කිරීමට දායක වනු ඇති.
එසේම ඉතා ඉක්මනින් මෙහි ප්රතිලාභ සමස්ත ශ්රී ලාංකික ජනතාවට හිමිවීමට නියමිතයි.
