මෙවර පාර්ලිමේන්තු මහ මැතිවරණයට අපේක්ෂකයින් 8888 දෙනෙකු තරග කිරීමට ඉදිරිපත් වුණ ද, මේ වනවිට සක්‍රීය ව දේශපාලන ප්‍රචාරක කටයුතු සිදු කරන්නේ 1000කටත් අඩු සංඛ්‍යාවක් බව පැෆ්රල් සංවිධානය පවසනවා.
එහි විධායක අධ්‍යක්ෂ රෝහණ හෙට්ටිආරච්චි කොළඹ දී අද (07) පැවති මාධ්‍ය හමුවක දී සඳහන් කළේ දේශපාලන පක්ෂ සහ ස්වාධීන කණ්ඩායම්වල ප්‍රමාණය අනුව ඡන්ද කාර්යාල ලක්ෂ 06කට ආසන්න ප්‍රමාණයක් දැමිය හැකි වුණ ද, මේ වන විට කාර්යාල පවත්වාගෙන යන්නේ 9291 දෙනෙකු පමණක් බවයි.
රාජ්‍ය බලය හා දේපළ අවභාවිත කිරීම නොසලකා හැරිය යුතු මට්ටමක පවතින අතර ප්‍රචණ්ඩකාරී සිද්ධීන් 25ක් වාර්තා ව තිබුණ ද ඒවා ද එතරම් බරපතළ ගණයේ ඒවා නොවන බවයි විධායක අධ්‍යක්ෂවරයා පෙන්වාදෙන්නේ.
එමෙන්ම මේ වනවිට ජනතාව දේශපාලන පක්ෂවලට සහාය පළ කරමින් වරප්‍රසාද ලබාගත නොහැකි බව තේරුම් ගනිමින් සිටින ආකාරය ද දක්නට ලැබීම සතුටට කරුණක් බවයි පැෆ් රල් සංවිධානය පවසන්නේ.
