චීනය පදනම් කරගත් අන්තර්ජාල වෙළෙඳපොළක් වන Temu හරහා විකුණනු ලබන ළමා නිමි ඇඳුම් නිසා දරුවන්ට “පිළිස්සුම් තුවාල ඇතිවීමේ අවදානමක්” ඇති කරන බව එක්සත් ජනපද ෆෙඩරල් ඒජන්සියක් නිවේදනය කර තිබෙනවා.
එක්සත් ජනපද පාරිභෝගික නිෂ්පාදන සුරක්ෂිතතා කොමිසම (CPSC), නිවේදනය කරන්නේ ඇඳුම් නිෂ්පාදන 18,620ක් දරුවන් සම්බන්ධ නිෂ්පාදන ප්‍රමිතීන් උල්ලංඝනය කර ඇති බවයි.
Temu හරහා අලෙවි කරන සියලු නිෂ්පාදන අදාළ ප්‍රමිතියෙන් තොර බව නිවේදනය උපුටා දක්වන විදෙස් මාද්‍ය වාර්තා කළා.
ෆෙඩරල් ඒජන්සිය පාරිභෝගිකයින්ට උපදෙස් දී ඇත්තේ අදාළ නිෂ්පාදන භාවිත කිරීම වහාම නතර කරන ලෙසයි.
පාරිභෝගිකයින් විසින් අදාළ ඇඟලුම් දෙකට කපා විනාශ කර දේශීය සහ රාජ්‍ය ප්‍රතිචක්‍රීකරණ නීතිවලට අනුකූලව බැහැර කළ යුතු බවට ද උපදෙස් ලබා දී තිබෙනවා.
කෙසේ වෙතත්, නිෂ්පාදිතය සම්බන්ධයෙන් කිසිදු හානියක් වාර්තා වී නොමැති අතර, එම නිෂ්පාදන 2022 ඔක්තෝබර් සිට 2024 මැයි දක්වා Temu හරහා අන්තර්ජාලය ඔස්සේ අලෙවි වී ඇතැයි ද මාධ්‍ය වාර්තාවේ දැක්වෙනවා.
