ගිනිකොණදිග අරාබි මුහුදු ප්රදේශයේ පවතින බිපොර්ජෝයි (biporjoy) සුළි කුණාටුව පිළිබඳ කාලගුණ විද්යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇගවීමේ මධ්යස්ථානය විසින් අවවාදාත්මක නිවේදනයක් නිකුත් කර තිබෙනවා.
ඒ අරාබි මුහුදේ ගැඹුරු මුහුදු ප්රදේශවල යාත්රා කරන බහුදින ධීවර යාත්රා සඳහායි.
එහි දැක්වෙන්නේ අරාබි මුහුදු ප්රදේශයේ පැවති මෙම බිපොර්ජෝයි සුළි කුණාටුව ඉතා චණ්ඩ සුළි කුණාටුවක් දක්වා වර්ධනය වී ඇති බවයි.
එය අද පස්වරු 2.30 වන විට උතුරු අක්ෂාංශ 13.1ත් නැගෙනහිර දේශාංශ 66.3ත් ආශ්රිතව ස්ථානගතව පැවතුණා.
ඉදිරි පැය 24 තුලදී උතුරු දෙසට ගමන් කර පසුව උතුරු දෙසට බරව වයඹ දෙසට ගමන් කිරීමේ වැඩි හැකියාවක් පවතින බවයි කාලගුණ විද්යා දෙපාර්තමේන්තුව දැනුම් දෙන්නේ.
ඉදිරි පැය 24 තුළ මෙම පද්ධතියේ බලපෑම හේතුවෙන් උතුරු අක්ෂාංශ 8ත් 18ත් සහ නැගෙනහිර දේශාංශ 60ත් 70ත් අතර මුහුදු ප්රදේශවල සුළඟේ වේගය පැයට කිලෝමීටර් 70ක් 80ක් පමණ වන අතර වටින් විට පැයට කිලෝමීටර් 90ක් 100ක් පමණ දක්වා වැඩි විය හැකියි.
ඉහත මුහුදු ප්රදේශ ඉතා රළු වන අතර විටින් විට දළ වශයෙන් රළු විය හැකි බවයි දැක්වෙන්නේ.
එසේම තද වැසි හෝ ගිගුරුම් සහිත වැසි ද ඇතිවීමේ හැකියාවක් පවතිනවා.
මේ හේතුවෙන් උතුරු අක්ෂංශ 8ත් 18ත් අතර සහ නැගෙනහිර දේශාංශ 60ත් 70ත් අතර මුහුදු ප්රදේශයට නැවත දැනුම් දෙන තුරු යාත්රා නොකරන ලෙසටයි ධීවර සහ නාවික ප්රජාවන්ට දැනුම්දෙන්නේ.
දැනට මෙම මුහුදු ප්රදේශවල ධීවර කටයුතුවල යෙදී සිටින පිරිස වහාම ගොඩබිමට හෝ ආරක්ෂිත ස්ථානයක් වෙත පැමිණෙන ලෙසට කාලගණ විද්යා දෙපාර්තමේන්තුව ප්රකාශ කළා.
එමෙන්ම එම දෙපාර්තමේන්තුව මගින් මේ සම්බන්ධයෙන් නිකුත් කරන ඉදිරි නිවේදන පිළිබඳ අවධානය යොමු කරන ලෙසටයි ධීවර සහ නාවික ප්රජාවගෙන් ඉල්ලා සිටින්නේ.
