2023 ඉන්දීය ප්‍රිමියර් ලීග් තරගාවලියේ දිල්ලි කැපිටල්ස් කණ්ඩායම සහභාගී වූ පළමු තරගය ඊයේ (01) රාත්‍රියේ ලක්නව් හිදී පැවැත් වුණා.
මෙම තරගයෙන් ලක්නව් සුපර් ජයන්ට්ස් කණ්ඩායම ඉරිදියේ ලකුණු 50කින් පරාජය වීමටයි දිල්ලි පිළට සිදු වුණේ.
මෙවර තරගාවලිය වෙනුවෙන් දිල්ලි කැපිටල්ස් කණ්ඩායමට තරග වැදීමට සිදුව ඇත්තේ සිය නිත්‍ය නායක රිෂාබ් පාන්ට් නොමැතිවයි.
රිය අනතුරකට ලක්ව සිටින රිෂාබ් තවමත් පූර්ණ සුවය ලබා නොසිටීම හේතුවෙන් ඔහුට මෙවර අයි.පී.එල්. තරගාවලිය අහිමිව තිබෙනවා.
ඒ, අනුව මෙවර තරගාවලියේ දී දිල්ලි කැපිටල්ස් කණ්ඩායම මෙහෙයවීමේ වගකීම පැවරී ඇත්තේ ඕස්ට්‍රේලියානු ක්‍රීඩක ඩේවිඩ් වෝනර් හටයි.
මේ අතර ඊයේ තරගයේ දී සිය නිත්‍ය නායක රිෂාබ් පාන්ට්ගේ ජර්සියක් ප්‍රදර්ශනය කරන්නට දිල්ලි කණ්ඩායම කටයුතු කර තිබූ ආකාරය දක්නට ලැබුණා.
ඒ, අනුව රිෂාබ්ගේ අංක 17 ජර්සිය ක්‍රීඩා පිටියේ ක්‍රීඩකයින් රැඳී සිටින ඩගවුටය තුළ එල්ලා තබන්නටයි කටයුතු කර තිබුණේ.
